ٹیکس بار انتخابات: محمد آصف رانا صدر، اسد حنیف سیکرٹری منتخب

نتائج لاہور ٹیکس بار ایسوسی ایشن انتخابات 2025

لاہور(ڈیلی پاکستان آن لائن) لاہور ٹیکس بار ایسوسی ایشن سالانہ 26-2025 انتخابات کے نتائج سامنے آگئے، جس کے تحت صدر لاہور ٹیکس بار کی نشست پر محمد آصف رانا کامیاب رہے۔

یہ بھی پڑھیں: خوارج کے ناپاک عزائم خاک میں ملانے پر سیکیورٹی فورسز کو خراج تحسین پیش کرتا ہوں: وزیر داخلہ

حامیوں کا جوش و خروش

نجی ٹی وی چینل دنیا نیوز کے مطابق محمد آصف رانا کے حامیوں کی جانب سے ان کی کامیابی پر نعرے بازی اور ڈھول کی تھاپ پر بھنگڑے ڈالے گئے۔

یہ بھی پڑھیں: لاہور میں 5 سالہ بچہ کھلے مین ہول میں گر کر جاں بحق، وزیر اعلیٰ نے رپورٹ طلب کر لی

دیگر کامیاب امیدوار

لاہور ٹیکس بار نائب صدر کی نشست پر کامران خلیل کمبوہ کامیاب ہوئے، جبکہ لاہور جنرل سیکرٹری کی نشست پر اسد حنیف کامیاب رہے۔ اس کے علاوہ جوائنٹ سیکرٹری کی نشست پر ذیشان طاہر بٹ اور فنانس سیکرٹری کی نشست پر چودھری احتشام احمد گجر کامیاب رہے۔

یہ بھی پڑھیں: کیا بانی پی ٹی آئی عمران خان کو اڈیالہ جیل سے کہیں اور منتقل کیا جا رہا ہے ۔۔؟جیل ذرائع نے حقیقت بتا دی

مقابلے کی تفصیلات

محمد آصف رانا ڈیموکریٹ گروپ اور نعیم شاہ گروپ کے امیدوار تھے، محمد آصف رانا کا چودھری انوار اسماعیل سے مقابلہ تھا۔

ووٹنگ کے نتائج

خیال رہے ٹیکس بار انتخابات میں 1900 ووٹرز نے ووٹ حق استعال کیا، ووٹر ٹرن آؤٹ 50 فیصد سے کم رہا جبکہ چھ ہزار ووٹرز میں سے 4928 ووٹرز حق رائے کے اہل قرار پائے تھے.