سیستان میں قتل ہونیوالے مزدور جمشید کے گھر خبر پہنچنے پر کہرام برپا

مزدوروں کا بہیمانہ قتل

احمد پور شرقیہ (ڈیلی پاکستان آن لائن) ایران کے مغربی صوبے سیستان و بلوچستان میں آٹھ پاکستانی مزدوروں کے بہیمانہ قتل کے واقعے میں احمد پور شرقیہ سے تعلق رکھنے والے محمد جمشید بھی شامل ہیں۔

یہ بھی پڑھیں: اسلام آباد میں پبلک ٹرانسپورٹ ایک ماہ کے لیے مفت کرنے کا اعلان

گھر میں کہرام

محمد جمشید کے جاں بحق ہونے کی اطلاع جب اُن کے آبائی علاقے میں پہنچی تو گھر میں کہرام مچ گیا، والدہ غم سے نڈھال ہو گئیں جبکہ بھائی اور دیگر اہلخانہ بھی شدتِ صدمہ سے بےحال ہیں۔

یہ بھی پڑھیں: پی ایس ایکس میں تیزی، 100 انڈیکس میں 1900 سے زائد پوائنٹس کا اضافہ

خاندان کا کفیل

نجی ٹی وی چینل آج نیوز کے مطابق جمشید کے بھائی نے بتایا کہ وہ گھر کا واحد کفیل تھا اور ڈیڑھ سال بعد وطن واپس آنے والا تھا۔ ان کا کہنا تھا کہ ’ہمارے بھائی نے بوڑھی ماں، بیوی اور چھوٹے بچوں کا سہارا بن کر زندگی گزاری، لیکن ظالموں نے اُسے بے رحمی سے مار ڈالا۔‘

یہ بھی پڑھیں: خیبرپختونخوا حکومت کا سرکاری ملازمین کو بغیر سود قرضہ دینے کا فیصلہ

والدہ کا دکھ

مرحوم کی والدہ نے روتے ہوئے بتایا، ’میرا غریب بیٹا چھوٹے چھوٹے بچوں کو چھوڑ کر گیا ہے، وہ ہمیں سہارا دینے گیا تھا، لیکن کفن میں لپٹ کر لوٹے گا۔‘

یہ بھی پڑھیں: این اے 129 ضمنی الیکشن، تقریباً 50 پولنگ اسٹیشنز جان بوجھ کر مقامی آبادیوں سے دور منتقل کئے گئے ہیں، حماد اظہر

اہل خانہ کا مطالبہ

اہلخانہ نے حکومت سے مطالبہ کیا ہے کہ جمشید سمیت تمام مقتولین کی لاشیں جلد از جلد وطن واپس لائی جائیں تاکہ ان کی تدفین کا عمل مکمل ہو سکے۔ ان کا کہنا تھا کہ تاخیر سے اہلِ خانہ کا غم مزید بڑھ رہا ہے۔

یہ بھی پڑھیں: فیلڈ مارشل عاصم منیر سے سبکدوش ہونے والے چیئرمین جوائنٹ چیفس آف اسٹاف کمیٹی جنرل ساحر شمشاد کی الوداعی ملاقات

خونی واقعہ کی تفصیلات

یاد رہے کہ یہ دل دہلا دینے والا واقعہ مہرستان کے نواحی گاؤں ہیزآباد پایین میں پیش آیا، جہاں نامعلوم مسلح افراد نے ایک آٹو ورکشاپ پر دھاوا بول کر آٹھ پاکستانی مزدوروں کو ہاتھ پاؤں باندھ کر گولیاں مار کر قتل کر دیا۔ ایرانی حکام نے تفتیش شروع کر دی ہے جبکہ پاکستان نے لاشوں کی واپسی کے لیے فوری اقدامات کی ہدایت کی ہے۔

لاشوں کی واپسی کا عمل

دفتر خارجہ کے مطابق، لاشوں کی واپسی میں آٹھ سے دس دن لگ سکتے ہیں کیونکہ جائے وقوعہ دور دراز علاقہ ہے اور فارنزک تقاضے پورے کیے جا رہے ہیں۔ ایرانی حکام نے واقعے کی مذمت کرتے ہوئے پاکستانی سفارتخانے سے مکمل تعاون کی یقین دہانی کرائی ہے。