مستونگ: بی این پی کا لکپاس دھرنے کے مقام پر آل پارٹیز کانفرنس بلانے کا اعلان

آل پارٹیز کانفرنس کا اعلان

مستونگ (ڈیلی پاکستان آن لائن) بلوچستان نیشنل پارٹی (مینگل) نے صوبے کی صورتحال پر پیر کو آل پارٹیز کانفرنس بلانے کا اعلان کیا ہے۔

یہ بھی پڑھیں: سیاحتی دورے کا خواب محض 40 سیکنڈ میں چکنا چور، بھارتی نوجوان کا تین سوالات پر امریکی ویزا ایک منٹ میں مسترد ہوگیا

بی این پی کا دھرنا جاری

نجی ٹی وی جیو نیوز کے مطابق مستونگ میں لک پاس کے مقام پر بی این پی کا دھرنا 17 ویں روز بھی جاری ہے۔ بی این پی کی جانب سے دھرنے کے مقام پر پیر کو آل پارٹیز کانفرنس بلانے کا فیصلہ کیا گیا ہے جس میں صوبے کی مجموعی صورتِ حال پر تبادلہ خیال کیا جائے گا۔

یہ بھی پڑھیں: خیبرپختونخوا اسمبلی امن جرگہ کا اعلامیہ جاری کردیا گیا، اسپیکر سمیت 21 جرگہ ممبرز نے دستخط کئے

مسلم لیگ ن کی تنقید

دوسری جانب کوئٹہ میں پریس کانفرنس کرتے ہوئے مسلم لیگ ن بلوچستان کے رہنماو¿ں نے بی این پی کے سربراہ اختر مینگل کو تنقید کا نشانہ بنایا ہے۔

یہ بھی پڑھیں: طالبعلم نے اہم ترین امتحان کو چھوڑ کر اپنے کلاس کے دوست کی زندگی بچالی

اختر مینگل کی ضد

ن لیگی رہنماو¿ں کا کہنا تھا کہ سردار اختر مینگل کے جائز مسائل حل کرنے کی کوشش کی جا رہی ہے مگر وہ اپنی ضد پر قائم ہیں، ان کا ایک ہی ایجنڈا ہے جو عدالت میں زیرِ سماعت ہے۔

مذاکرات میں رکاوٹیں

ن لیگی رہنماوں نے کہاکہ اختر مینگل کے حالیہ بیانات احسان فراموشی کے برابر ہیں، ان کی ضد کی وجہ سے مذاکرات کامیاب نہیں ہو رہے، حکومت کسی کی ضد نہیں مانے گی اور نہ ہی ضد پر مطالبات منظور ہوں گے۔