والتھم فارسٹ پاکستانی کمیونٹی فورم کے سیکریٹری امجد مرزا امجد کے انتقال پر تعزیتی ریفرنس، خراج تحسین، دعائے مغفرت کی گئی

تعزیتی ریفرنس کا انعقاد

دبئی (طاہر منیر طاہر) والتھم فارسٹ پاکستانی کمیونٹی فورم کے سیکریٹری امجد مرزا امجد مرحوم کے سانحہ ارتحال پر والتھم سٹو کے ہارمونی ہال میں 12 اپریل 2025 کو تعزیتی ریفرنس کا انعقاد کیا گیا۔ اس کا اہتمام راجہ محمد الیاس، والتھم فارسٹ اسلامک ایسوسی ایشن اور ڈاکٹر رشید اختر پاک کلچرل سوسائٹی نے کیا۔

یہ بھی پڑھیں: عمران خان کے خلاف توہین عدالت کیس ریگولر بنچ کو بھجوا دیا گیا

مرحوم کی خدمات کا اعتراف

اس موقع پر اظہار خیال کرتے ہوئے تعزیتی ریفرنس میں شریک لوگوں نے مرحوم کے ساتھ اپنے تعلقات اور مرحوم امجد مرزا امجد کی کمیونٹی اور ادبی خدمات کو سراہا۔ امجد مرزا امجد نے اردو اور پنجابی زبان میں 32 کتابیں لکھیں اور وہ متعدد رسائل و جرائد کے مدیر اور ناشر بھی تھے۔

یہ بھی پڑھیں: جونیئر ہاکی ایشیا کپ کا فائنل، پاکستان اور بھارت کے درمیان آج ہوگا

شاعری کی محافل

امجد مرزا امجد والتھم فارسٹ پاکستانی کمیونٹی فورم کے سیکریٹری کی حیثیت سے ہر مہینے کے پہلے اتوار شاعری کی محفل منعقد کرتے تھے جس میں لندن اور دور دراز سے لوگ شامل ہوتے تھے۔

یہ بھی پڑھیں: عمران خان اوورسیز پاکستانیوں کے ذریعے سول نافرمانی اور بائیکاٹ تحریک سے کیا مقصد رکھتے ہیں؟

فوٹوگرافی اور دیگر خدمات

وہ دیگر شعرا کی لکھی شاعری کی نوک پلک درست کرنے کے علاوہ ان کتابوں کی رسم اجرا بھی کرتے تھے۔ اردو ادب کے لیے ان کی گرانقدر خدمات ہمیشہ یاد رکھی جائیں گی۔امجد مرزا امجد ایک اچھے فوٹو گرافر بھی تھے۔ وہ اردو ادب، یوم پاکستان اور یوم آزادی کی تقریبات کی فوٹوگرافی بھی کرتے تھے۔ لوگ انہیں ہر فن مولا کہتے تھے۔

یہ بھی پڑھیں: سٹاک مارکیٹ میں زبردست تیزی، 100 انڈیکس میں بڑا اضافہ، 98 ہزار کی حد عبور

تقریبی رونق اور مہمانان

تقریب کے مہمان شعرا نے مرحوم کی لکھی شاعری پڑھنے کے علاوہ اپنی شاعری جو خاص طور پر مرحوم کے لکھی گئی تھی سنائی۔ تقریب کی مہمان خصوصی والتھم فارسٹ کی مئیر کونسلر شیرن والڈرون تھیں۔ انہوں نے مرحوم امجد مرزا امجد کی کمیونٹی خدمات کو سراہا اور ان کی اچانک وفات پر افسوس کرتے ہوئے کہا کہ وہ ان کی فیملی کے افسوس میں برابر کے شریک ہیں۔

یہ بھی پڑھیں: مقبوضہ کشمیر میں فیک انکاونٹرز، بھارت کا نیا منصوبہ بے نقاب

کمیونٹی اکابرین کی شرکت

دیگر کمیونٹی اکابرین میں چوہدری محبوب، ایسٹ ہیم پاکستانی کمیونٹی فورم، قیصر محمود علامہ اقبال اکیڈمی، ولایت کھوکھر، کیپٹن جاوید، ضیا حسین احمد، پروفیسر شاہد اقبال، کونسلر راجہ انور، کونسلر رچرڈ سویڈن اور دیگر شامل تھے۔

پروگرام کی صدارت

پروگرام کی صدارت ڈاکٹر رشید اختر نے کی جبکہ چوہدری محبوب نے سٹیج سیکریٹری کے فرائض انجام دیے۔ تعزیتی تقریب کے آخر میں مرحوم امجد مرزا امجد کی بخشش و مغفرت کے لیے دعا کی گئی، جبکہ مہمانوں کی تواضع اشیائے خورد و نوش سے کی گئی۔