یہ پاسپورٹ اسرائیل کیلئے کارآمد نہیں: پاکستان کے علاوہ ایک اور ملک نے پاسپورٹ پر شائع کرنے کا اعلان کر دیا
بنگلادیشی حکومت کی نئی ہدایت
ڈھاکا(ڈیلی پاکستان آن لائن ) بنگلادیش کی حکومت نے ملکی پاسپورٹ پر اسرائیل کے لیے کارآمد نہ ہونے کی عبارت دوبارہ شائع کرنے کی ہدایت کردی۔
یہ بھی پڑھیں: کراچی میں رواں برس سٹریٹ کرائم کے کتنے ہزار واقعات رپورٹ ہوئے اورکتنے ہزارموبائل فونز چھینے گئے؟ جان کر آپ کے ہوش ٹھکانے آ جائیں
وزارت داخلہ کی کارروائی
بنگلادیشی میڈیا کے مطابق وزارت داخلہ کے سیکورٹی سروسز ڈویژن نے محکمہ امیگریشن اینڈ پاسپورٹ کو ہدایت دی ہے کہ وہ بنگلا دیشی پاسپورٹس پر عبارت ’یہ پاسپورٹ سوائے اسرائیل کے دنیا کے تمام ممالک کے لیے کارآمد ہے‘ کو دوبارہ شائع کرے۔
یہ بھی پڑھیں: حافظ آباد: زہریلی مٹھائی کھانے سے 3 بچے جاں بحق
ماضی کی تبدیلیاں
حسینہ واجد کی حکومت کے دوران 2021 میں بنگلادیشی پاسپورٹ پر اس عبارت میں سے ’سوائے اسرائیل‘ کے الفاظ ہٹا دیے گئے تھے، تاہم اُس وقت کی حکومت نے واضح کیا تھا کہ بنگلا دیش کی اسرائیل سے متعلق پالیسی میں کوئی تبدیلی نہیں آئی۔
یہ بھی پڑھیں: سیاح دانتوں میں انگلیاں دبائے عالم تحیر میں اس بات کو سوچ رہے تھے کہ ہزاروں برس پہلے کس طرح ان چٹانوں کو تراش کر یہ شاہکار تخلیق کیے ہونگے؟
پاکستانی پاسپورٹ کی صورتحال
یاد رہے کہ پاکستانی پاسپورٹ پر بھی یہ عبارت درج ہے کہ ’یہ پاسپورٹ سوائے اسرائیل کے دنیا کے تمام ممالک کے لیے کارآمد ہے‘۔
فلسطین کے حق میں عوامی مظاہرہ
خیال رہے کہ بنگلا دیش میں فلسطین کے حوالے سے عوامی حمایت ایک بار پھر ہفتے کو اُس وقت نمایاں ہوئی جب دارالحکومت ڈھاکا میں تقریباً ایک لاکھ افراد نے غزہ کے ساتھ اظہارِیکجہتی کے لیے مظاہرہ کیا۔
