پی ٹی آئی سپین کا بادالونا میں مذمتی اجلاس، عہدیداران و ممبران کی شرکت
اجلاس کی تفصیلات
بارسلونا (ارشد نذیر ساحل) پاکستان تحریک انصاف سپین کے زیر اہتمام بادالونا میں محمد شیراز بھٹی کی صدارت میں جعلی اوورسیز کنوینشن کے انعقاد پر مذمتی اجلاس منعقد ہوا جس میں بڑی تعداد میں پی ٹی آئی سپین کے عہدیداران و ممبران نے شرکت کی۔
یہ بھی پڑھیں: چیمپئنز ٹرافی، بھارت کے انکار نے ٹورنامنٹ کے انعقاد کو خطرے میں ڈال دیا
اجلاس کا آغاز
اجلاس کا آغاز تلاوت کلام پاک سے ہوا جس کی سعادت ظہور احمد کمبوہ نے حاصل کی جبکہ نعت رسول مقبول صلی اللہ علیہ والہ وسلم کی سعادت قمر بٹ جاتریہ نے حاصل کی۔
یہ بھی پڑھیں: If Muslims Unite, They Can Overcome Their Enemies: Ayatollah Khamenei’s Friday Prayer Address
فاتحہ خوانی
اجلاس میں پی ٹی آئی سپین کے سینئر راہنما غلام رضا چوہان کے والد محترم کے ایصال ثواب کے لئے فاتحہ خوانی بھی کی گئی۔
یہ بھی پڑھیں: کابینہ کمیٹی برائے امن و امان کا اجلاس، عیدالاضحیٰ کے حوالے سے اہم فیصلے، میانوالی میں رینجرز کی تعیناتی میں توسیع
مقررین کی آراء
اجلاس میں مقررین نے عمران خان، پاکستان تحریک انصاف کے قائدین اور ہزاروں کی تعداد میں بے گناہ پابند سلاسل کارکنان کے ساتھ اظہار یکجہتی کرتے ہوئے موجودہ حکومت اور اس کے مبینہ سہولتکاروں کی طرف سے اسلام آباد میں اوورسیز کنوینشن کے انعقاد کو ڈرامہ قراردیا۔
انہوں نے دعویٰ کیا کہ ہر کام میں دو نمبری اور جعلی سازی سے ملک چلانے کی کوشش کی جا رہی ہے، اوورسیز کے کچھ لوگوں کو پیسے دے کر بڑے سرمایہ کار ظاہر کیا گیا اور اسلام آباد بلا یا گیا حالانکہ حقیقت اس کے بالکل برعکس ہے۔
حقائق یہ ہیں کہ اوورسیز میں 90 فیصد لوگ ایسے ہیں جو عمران خان کے ساتھ مضبوطی سے کھڑے ہیں اور اس کے ایک اشارے پر جانی و مالی ہر لحاظ سے اپنے آپ کو تیار رکھتے ہیں۔
یہ بھی پڑھیں: پی ڈی ایم اے پنجاب نے گرد آلود ہواؤں اور گرج چمک کے ساتھ بارش کی پیشگوئی کر دی
موجودہ حکومت پر تنقید
مقررین نے کہا کہ ہم اوورسیز پاکستانی موجودہ حکومت پر کسی صورت اعتبار کرنے کے لئے تیار نہیں ہیں اور نہ ہی اس کے مینڈیٹ کو تسلیم کر سکتے ہیں۔
یہ بھی پڑھیں: بانی پی ٹی آئی کی درخواستوں پروکیل الیکشن کمیشن نے عدالتی دائرہ اختیار کا اعتراض عائد کردیا
شرکاء کی فہرست
مقررین میں محمد شیراز بھٹی صدر پی ٹی آئی سپین، سابق صدر محمد شہباز ملک، شہزاد اصغر بھٹی، سینئر نائب صدر چوہدری قاسم رفیق جھکڑ، ڈاکٹر ہما جمشید، سید ذوالقرنین شاہ، سلطان رانجھا، ڈاکٹر ثاقب حمید، سید شبیر شاہ شیرازی، پروفیسر مشتاق احمد، چوہدری صابر تارڑ، تنزیل رانجھا، سید فخر عباس شاہ، چوہدری عاطف ظہیر، تنزیل رانجھا، میاں محمد یونس، شیخ فاروق احمد، عثمان شہزاد رانجھا، مدثر پنجوتھا اور دیگر شامل تھے۔
مستقبل کی منصوبہ بندی
اجلاس میں اس بات کا فیصلہ کیا گیا کہ بہت جلد پاکستان تحریک انصاف کے یوم تاسیس اور عمران خان کے ساتھ اظہار یکجہتی کے لئے ایک بڑے جلسے کا اعلان کیا جائے گا جس میں عمران خان کے چاہنے والے اپنی بھرپور طاقت کا مظاہرہ کریں گے۔ اس موقع پر نعرہ بازی بھی کی گئی۔
