دھی رانی پروگرام: خانیوال اور وہاڑی میں58جوڑوں کی اجتماعی شادی کا اہتمام ،تقریب سے صوبائی وزیر سہیل شوکت بٹ کا خطاب

تاریخی دھی رانی پروگرام

لاہور (ڈیلی پاکستان آن لائن) وزیراعلیٰ پنجاب مریم نواز کا تاریخی دھی رانی پروگرام، خانیوال پبلک سکول میں دھی رانی پروگرام کے دوسرے فیز میں خانیوال اور وہاڑی اضلاع میں 58 جوڑوں کی اجتماعی شادی کا اہتمام کیا گیا۔

یہ بھی پڑھیں: تیسری اقوامِ متحدہ امن مشن وزارتی تیاری کانفرنس اسلام آباد میں ہو گی ، اعلیٰ حکومتی  ،عسکری عہدیداران اور اقوامِ متحدہ کےسینیئر حکام شرکت کریں گے.

تقریب کی مہمان خصوصی

صوبائی وزیر سوشل ویلفیئر و بیت المال سہیل شوکت بٹ تقریب کے مہمان خصوصی تھے۔ اجتماعی شادی تقریب میں ارکان اسمبلی رانا سلیم حنیف، بیرسٹر اسامہ فضل، چوہدری ضیاء الرحمن، عامر حیات ہراج، ڈپٹی کمشنر ڈاکٹر سلمیٰ سلیمان، ڈی پی او اسماعیل کھاڑک بھی موجود تھے۔ نئے جوڑوں کی آمد پر خوشیوں کو دوبالا کرنے کے لیے روایتی جھومر ڈانس بھی پیش کیا گیا۔

یہ بھی پڑھیں: پاکستان ائیر فورس نے جدید ترین پی ایف ایکس بنانے کا اعلان کر دیا

نئے جوڑوں کے لیے مبارکباد

صوبائی وزیر سہیل شوکت بٹ نے وزیراعلیٰ مریم نواز کی طرف سے نئے جوڑوں کو مبارکباد دیتے ہوئے کہا کہ پنجاب دھی رانی پروگرام کو تاریخ میں ہمیشہ یاد رکھا جائے گا۔ اجتماعی شادی کی پروقار تقریب میں ضلعی اور سوشل ویلفیئر کی ٹیموں کو مبارکباد دیتا ہوں۔ وزیر اعلیٰ پنجاب کی ہر بیٹی کیلئے شفیق ماں کا کردار ادا کر رہی ہیں۔ شادی تقریبات میں نئے جوڑوں کے والدین نے دھی رانی پروگرام پر وزیراعلیٰ پنجاب کیلئے نیک خواہشات کا اظہار کیا ہے۔

یہ بھی پڑھیں: لاہور، اغواء ہونیوالی 3 سالہ بچی قتل کردی گئی

پنجاب میں عوامی خدمت

پنجاب میں عوامی خدمت کے بے شمار انیشیٹیوز کی بدولت وزیراعلیٰ پنجاب مریم نواز ملک بھر میں پہلے نمبر پر ہیں۔ صوبائی minister سہیل شوکت بٹ نے نئے جوڑوں کو تحائف بھی دیئے۔ انہوں نے جوڑوں کی نشستوں پر جاکر انہیں سلامی کے اے ٹی ایم کارڈز بھی دیئے۔

یہ بھی پڑھیں: پی ٹی آئی نے حکومت سے مذاکرات کیلئے مطالبات کا ڈرافٹ تیار کر لیا

نئے جوڑوں کے لیے دعاگو

ڈپٹی کمشنر ڈاکٹر سلمیٰ سلیمان نے کہا کہ خانیوال اور وہاڑی کے جوڑوں کے نئے سفر کی کامیابی کیلئے دعاگو ہیں۔

دیگر موجود شخصیات

تقریب میں اے ڈی سی جی غلام مصطفیٰ سیہڑ، اے ڈی سی فنانس اینڈ پلاننگ وہاڑی مظفر خان، اے سی سنبل جاوید، پرنسپل ارشد سعید رانا، ڈپٹی ڈائریکٹر سوشل ویلفیئر عکاشہ رسول، میاں ماجد، زین علی، عثمان خورشید بھی دیگر موجود تھے۔ تقریب میں نئے جوڑوں، ان کے مہمانوں کیلئے کھانے کا اہتمام بھی کیا گیا۔