پنجاب ایسڈ کنٹرول بل 2025 قائمہ کمیٹی سے منظور، خواتین کے تحفظ کی جانب اہم پیش رفت

پنجاب ایسڈ کنٹرول بل 2025 کی منظوری

لاہور (ڈیلی پاکستان آن لائن) قائمہ کمیٹی برائے محکمہ داخلہ نے پنجاب ایسڈ کنٹرول بل 2025 (بل نمبر 15 آف 2025) کو باقاعدہ منظوری دے دی۔ یہ اہم قانون سازی رکن صوبائی اسمبلی اور چیئرپرسن پنجاب ویمن پروٹیکشن اتھارٹی حنا پرویز بٹ کی جانب سے پیش کی گئی تھی۔

یہ بھی پڑھیں: سپریم کورٹ نے عوامی سہولت مرکز کے قیام کا سنگ بنیاد رکھ دیا

اجلاس کی تفصیلات

اجلاس دوپہر 2:30 بجے نیو اسمبلی بلڈنگ لاہور کے کمیٹی روم میں منعقد ہوا، جس کی صدارت محترمہ حنا پرویز بٹ نے کی۔ اس موقع پر کمیٹی نے بل میں مجوزہ ترامیم کا تفصیل سے جائزہ لیا اور انہیں منظور کرتے ہوئے بل کی حتمی منظوری دی۔

یہ بھی پڑھیں: شارجہ چلڈرن ریڈنگ فیسٹیول کی طرف سے ایکسپو سینٹر شارجہ میں اردو فیسٹ 2025 کا انعقاد

حنا پرویز بٹ کا بیان

حنا پرویز بٹ نے کمیٹی کے تعاون پر شکریہ ادا کرتے ہوئے کہا کہ تیزاب کی غیرقانونی فروخت اور اس کے نتیجے میں ہونے والے تشدد کو روکنے کے لیے یہ قانون سازی نہایت اہم ہے۔ انہوں نے اس بل کو خواتین اور دیگر کمزور طبقات کے تحفظ کی جانب ایک مؤثر اور فیصلہ کن قدم قرار دیا۔ انہوں نے کہا کہ "ایسڈ اٹیک صرف جسم نہیں جلاتے، یہ زندگیاں برباد کرتے ہیں۔" اس قانون کا مقصد ایسے مجرموں کو قانون کی گرفت میں لانا ہے جو تیزاب جیسے ہتھیار کو ظلم کے لیے استعمال کرتے ہیں۔ ہمیں ایسے قوانین کی ضرورت ہے جو نہ صرف انصاف فراہم کریں بلکہ آئندہ کے لیے روک تھام بھی یقینی بنائیں۔

خواتین کے حقوق کا تحفظ

حنا پرویز بٹ نے اس عزم کا اعادہ کیا کہ وہ خواتین کے حقوق اور ان کی بااختیاری کے لیے آئندہ بھی قانون سازی کا سلسلہ جاری رکھیں گی۔