ویسٹرن پروانس کرکٹ ایسوسی ایشن (ڈبلو پی سی اے) کے نائب صدر صادق الاسلام کو سپرد خاک کردیا گیا

وفات کا اعلان

جدہ (محمد اکرم اسد): سعودی کرکٹ سینٹر اور جدہ کرکٹ کلب کے سابق عہدیدار محمد صادق الاسلام جو اتوار کو مقامی ہسپتال میں انتقال کر گئے تھے، کو پیر کے روز سینکڑوں سوگواروں کی موجودگی میں مقبرہ الفیصیلہ جدہ میں سپرد خاک کر دیا گیا۔

یہ بھی پڑھیں: اگر حکومت کے پاس پی ٹی آئی پر پابندی کا قانونی جواز ہے تو سپریم کورٹ میں کیس دائر کر دے: سینیٹر ساجد میر

نماز جنازہ

ان کی نماز جنازہ مسجد رضوان العزیزیہ میں ادا کی گئی تھی، جس میں کمیونٹی کارکنان، سیاسی و سماجی شخصیات نے شرکت کی۔ صادق الاسلام ایک ممتاز کرکٹ ایڈمینسٹر تھے اور انہوں نے اپنی زندگی سعودی عرب میں کرکٹ کی ترقی اور فروغ کے لیے وقف کر رکھی تھی۔

یہ بھی پڑھیں: پاکستان کا وہ علاقہ جہاں 3 روز کے لیے کرفیو نافذ کردیا گیا

کرکٹ میں خدمات

انہوں نے جناح لیگ، نیشنل لیگ، جدہ لیگ، سعودی کرکٹ سینٹر اور ڈبلیو پی سی اے کے پلیٹ فارم سے کئی قومی اور بین الاقوامی سطح کے میچوں میں شرکت کی۔ اس کے علاوہ، ٹیلنٹ ہنٹ پروگرام میں بھی اپنی خدا داد صلاحیتوں سے کامیابی حاصل کی۔

دکھ اور تعزیت

ان کے انتقال پر قونصل جنرل خالدمجید، سعودی صحافی خالد المعینا، پاکستان جرنلسٹس فورم کے چیئرمین امیر محمد خان، سابق صدر شاہد نعیم، سکریٹری جنرل محمد جمیل راٹھور، سعودی کرکٹ سنٹر کے سابق سربراہ ندیم ندوی، جنید اسکندر صدر ڈبلیو پی سی، ڈاکٹر ضیاء الدین، معروف کرکٹر محمد جاوید اور کرکٹ امپائر مرزا کاشف بیگ نے گہرے دکھ کا اظہار کرتے ہوئے صادق الاسلام کے بیٹوں شاہد الاسلام اور فہیم الاسلام و لواحقین سے تعزیت کی ہے اور مرحوم کی مغفرت و اعلیٰ درجات کے لیے دعائیں کی ہیں۔