کراچی: ٹریفک قوانین کی خلاف ورزیاں، سزائیں اور بھاری جرمانوں کی تجاویز سامنے آگئیں

کراچی میں ٹریفک قوانین کی تبدیلی

کراچی (ڈیلی پاکستان آن لائن) میں ٹریفک قوانین کی خلاف ورزیوں پر سزائیں اور جرمانے بڑھانے کی تجاویز سامنے آگئیں۔

یہ بھی پڑھیں: اقوام متحدہ: پاکستان کی ہتھیاروں، جوہری سلامتی سے متعلق 4 قراردادیں منظور

اجلاس کی تفصیلات

نجی ٹی وی جیو نیوز کے مطابق چیف سیکرٹری سندھ آصف حیدر شاہ کی زیر صدارت ٹریفک قوانین میں اصلاحات سے متعلق اجلاس ہوا۔ اجلاس میں آئی جی سندھ غلام نبی میمن، کمشنر کراچی سید حسن نقوی سمیت متعلقہ حکام شریک ہوئے۔

یہ بھی پڑھیں: بھارت نے اوور 40 ورلڈ کپ کے لیے پاکستان آنے کی تصدیق کردی

موٹر وہیکل آرڈیننس 1965 میں ترامیم

اجلاس میں ڈی آئی جی ٹریفک اور سیکرٹری ٹرانسپورٹ نے موٹر وہیکل آرڈیننس 1965 میں مجوزہ ترامیم پر بریفنگ دیتے ہوئے بتایا کہ قوانین کی خلاف ورزی پر موٹر بائیک سے لے کر ہیوی ٹرانسپورٹ کے لیے بھاری جرمانے کی تجویز ہے۔

یہ بھی پڑھیں: تعلیم اور کیریئر ایکسپو، فیوچر فیسٹ کا انعقاد 3 اور 4 نومبر 2024 کو پاکستان ایسوسی ایشن دبئی میں ہو گا۔

فیس لیس ٹکٹس سسٹم

فیس لیس ٹکٹس سسٹم کی تجویز ہے جو خودکار نمبر پلیٹ کی شناخت اور سپیڈ کیمروں سے جرمانے جاری کرے گا۔

یہ بھی پڑھیں: بھارت کی جانب سے جنگ بندی کی خلاف ورزی پر پاکستان فوری جواب دے گا، ڈی جی آئی ایس پی آر

ڈرائیونگ کورس کی لازمی حیثیت

اجلاس میں بتایا گیا کہ تمام نئے ڈرائیورز کے لیے ڈرائیونگ کورس لازمی کرنے کی ترمیم کی بھی تجویز ہے۔

یہ بھی پڑھیں: عشرت فاطمہ کی ایک دہائی کے بعد پی ٹی وی پر واپسی

گاڑیوں کی رجسٹریشن کی مدت میں کمی

گاڑیوں کی رجسٹریشن کی مدت 6 ماہ سے کم کرکے ایک ماہ کرنے کی تجویز دی گئی ہے۔

یہ بھی پڑھیں: سکھوں کی عالمی تنظیم نے بڑا قدم اٹھا لیا ۔۔۔کینیڈا میں ’’خالصتان ایمبیسی‘‘ قائم

کمرشل گاڑیوں کی سیفٹی

بریفنگ میں بتایا گیا کہ تمام کمرشل گاڑیوں میں ٹریکنگ اور سیفٹی ڈیوائسز کی تنصیب کی بھی تجویز ہے، صوبے میں چلنے والی تمام کمرشل گاڑیوں میں ڈیش کیم اور کیبن کیمرا لگانے کی بھی سفارش کی گئی ہے۔

یہ بھی پڑھیں: 9 لاکھ 94 ہزار نوکریاں اور روزگار کے مواقع … وزیر اعلیٰ پنجاب مریم نواز کی ’’ایکس‘‘ اکاؤنٹ پر پوسٹ

فنڈز کی یقین دہانی

اجلاس میں ٹریفک انجینئرنگ بیورو میں اصلاحات کے لیے چیف سیکرٹری نے فنڈز فراہم کرنے کی یقین دہانی بھی کرائی۔

عوامی آگاہی مہم

چیف سیکرٹری سندھ نے کہا کہ ٹریفک قوانین کی خلاف ورزیوں پر سزائیں اور جرمانے بڑھائے جائیں گے۔ انہوں نے پولیس اور محکمہ ٹرانسپورٹ کو ٹریفک قوانین پر سختی سے عملدرآمد کی ہدایت کی اور عوامی آگاہی مہم شروع کرنے کا کہا۔