بھارت میں کمیشن کا امتحان دینے آئے امیدوار کا ایڈمٹ کارڈ چیل لے گئی

کیرالہ میں دلچسپ واقعہ

نئی دہلی (آئی این پی): بھارتی ریاست کیرالہ میں کمیشن کا امتحان دینے والے امیدوار کا ایڈمٹ کارڈ چیل لے گئی۔

یہ بھی پڑھیں: 7 سے 11 دسمبر تک کس کس شہر میں بادل برسیں گے؟ محکمہ موسمیات کی اہم پیش گوئی

امتحان کی تیاری

بھارتی میڈیا کے مطابق کیرالہ کے سرکاری اسکول میں پبلک سروس کمیشن کے امتحان کا انعقاد کیا گیا۔ اس امتحان کو دینے کیلئے 300 امیدوار جمع تھے، جو امتحان شروع ہونے کا انتظار کررہے تھے کہ اچانک چیل آئی اور اس نے ایک امیدوار کا ایڈمٹ کارڈ اپنے پنجوں میں دبوچا اور لے اڑی۔

یہ بھی پڑھیں: سانحۂ سوات، کمشنر مالاکنڈ کی تحقیقاتی رپورٹ آ گئی۔

چیل کا حیرت انگیز رویہ

چیل کے اس رویے نے سب کو حیران کردیا جب کہ وہ اڑ کر عمارت کی ایک کھڑی پر جا بیٹھی۔ اس کے بعد انتظامیہ سمیت متاثرہ امیدوار چیل کے دستاویز پھینکنے کا انتظار کرتے رہے۔

متاثرہ امیدوار کے لئے خصوصی انتظامات

میڈیا رپورٹس کے مطابق، امتحان میں تاخیر کے سبب انتظامیہ کی جانب سے متاثرہ امیدوار کو بغیر ایڈمٹ کارڈ کے امتحان دینے کی اجازت دی گئی۔