بھارتی سپریم کورٹ نے اردو زبان کے استعمال کیخلاف درخواست پر فیصلہ سنا دیا

بھارتی سپریم کورٹ کا فیصلہ

نئی دہلی (ڈیلی پاکستان آن لائن) بھارتی سپریم کورٹ نے سائن بورڈ پر اردو زبان کے استعمال کے خلاف درخواست مسترد کرتے ہوئے ممبئی ہائیکورٹ کا فیصلہ برقرار رکھا ہے۔

یہ بھی پڑھیں: اسلام آباد کی انتظامیہ کی روایتی غفلت ایک اور بچے کی جان چلی گئی

رد کردہ درخواست

بھارتی سپریم کورٹ نے ریاست مہاراشٹرا میں میونسپل کونسل کے نام والے بورڈ پر اردو کے استعمال کو چیلنج کرنے والی درخواست مسترد کر دی اور ممبئی ہائیکورٹ کا فیصلہ برقرار رکھا۔

یہ بھی پڑھیں: زندگی کبھی ایسے موڑ پر لے آتی ہے کہ چیزیں آپ کے اختیار میں ہوتے ہوئے بھی بے بسی عود کر آتی ہے۔ دل کی بات نہ مان کر دکھ ہوتا ہے

عدالت کا موقف

عدالت نے کہا کہ علاقے میں اردو بولنے والے ہیں تو سرکاری زبان مراٹھی کے ساتھ اردو کے سائن بورڈ میں کوئی حرج نہیں ہے۔

یہ بھی پڑھیں: تھنک ٹینک کی رپورٹ میں امریکہ کی ذہنی نوآبادیات بے نقاب

اردو زبان کی اہمیت

سپریم کورٹ کے 2 رکنی بینچ نے دوران سماعت کہا کہ اردو زبان رابطے کا مؤثر ذریعہ ہے، اردو سے دوستی کریں، اردو بھارت میں نئی نہیں، اردو نے یہیں جنم لیا، یہیں پلی بڑھی اور فروغ پائی ہے، اردو سمیت ساری زبانوں سے دوستی کریں۔

چیلنج کرنے کی وجہ

واضح رہے کہ خاتون کی جانب سے میونسپل کونسل کے نام والے بورڈ پر مراٹھی کے ساتھ اردو کے استعمال کو چیلنج کیا گیا تھا۔