اداکارہ سناکشی نے شوہر سے طلاق کی پیشگوئی کرنے والے صارف کو کرارا جواب دیدیا
سوناکشی سنہا کا کرارا جواب
ممبئی (ڈیلی پاکستان آن لائن ) بالی ووڈ کی اداکارہ سوناکشی سنہا نے طلاق سے متعلق تنقیدی تبصرے پر سوشل میڈیا صارف کو کرارا جواب دے دیا ہے۔
جواب کی وجوہات
تفصیلات کے مطابق اداکارہ سوناکشی سنہا نے حال ہی میں ایک سوشل میڈیا صارف کو طلاق سے متعلق پیشگوئی کرنے پر سخت ردعمل دیتے ہوئے آڑے ہاتھوں لے لیا۔ ایک صارف نے ان پر تنقید کرتے ہوئے لکھا، ’تمہاری طلاق قریب ہے۔‘ جس پر سوناکشی نے جواب دیا، ’پہلے تیرے ممی پاپا کریں گے پھر ہم وعدہ!‘
سوشل میڈیا پر سخت تنقید
یاد رہے کہ سوناکشی نے جون 2024 میں زہیر اقبال سے بین المذاہب شادی کی، جس پر سوناکشی کو سوشل میڈیا پر شدید تنقید کا سامنا کرنا پڑا تھا۔
اداکارہ کا سابقہ رویہ
اداکارہ کو اس سے قبل بھی کئی مرتبہ لوگوں نے تنقید کا نشانہ بنایا، جس پر ہمیشہ انہوں نے نرمی سے کام لیا اور جواب دینے سے گریز کیا۔ تاہم اب انہوں نے پہلی مرتبہ کسی صارف پر جوابی وار کیا ہے جس کی وجہ سے وہ خبروں کا حصہ بن گئی ہیں۔
