وزیر تعلیم کا مختلف امتحانی سنٹرز کا دورہ، بوٹی مافیا کا ایک اور نیٹ ورک پکڑ لیا

وزیر تعلیم پنجاب کا دورہ امتحانی سنٹرز

لاہور (ڈیلی پاکستان آن لائن) وزیر تعلیم پنجاب کا مختلف امتحانی سنٹرز کا دورہ، بوٹی مافیا کا ایک اور نیٹ ورک پکڑ لیا۔

یہ بھی پڑھیں: عمران خان کے ایکس اکاؤنٹ کے استعمال میں احتیاط ضروری ہے، علی محمد خان

امتحانی عمل کا جائزہ

تفصیلات کے مطابق وزیر تعلیم رانا سکندر حیات نے رائیونڈ روڈ کے مختلف امتحانی سنٹرز کا دورہ کیا جہاں انہوں نہم جماعت کے جاری امتحانی عمل اور دیگر امور کا جائزہ لیا۔

یہ بھی پڑھیں: گورنر ہاؤس میں امریکہ اور کینیڈا سے آئے سکھ یاتریوں کے اعزاز میں تقریب، گورنر پنجاب نے بھارت کو کرکٹ کے حوالے سے “خصوصی پیغام” بھی دیدیا

نقل کرتے طالب علم کی گرفتاری

وزیر تعلیم نے مخبری پر گورنمٹ بوائز ہائی سکول علی رضا آباد میں نقل کرتے طالب علم کو رنگے ہاتھوں پکڑ لیا۔ امتحانی سنٹر میں امیدوار ابوبکر ہاشمی گاڑی میں بیٹھ کر پرچہ حل کر رہا تھا۔ سنٹر کا عملہ اور پرنسپل بھی امیدوار کی سرپرستی میں ملوث نکلا۔

یہ بھی پڑھیں: انگریز حکومت ریلوے لائن کو افغانستان کے ان علاقوں تک لے جانا چاہتی تھی، اس سلسلے میں آگے چل کر خیبر لائن پر بھی کام شروع ہوا

مخالف کارروائیاں اور گرفتاری

وزیر تعلیم نے کہا کہ امیدوار نجی ہاؤسنگ سوسائٹی کے مالک کے پی ایس او عمران ہاشمی کا بیٹا ہے، جس کی گاڑی سنٹر کے اندر آ کر بچے کو پیپر حل کرواتی تھی۔ وزیر تعلیم نے پرنسپل سمیت سنٹر کا پورا عملہ گرفتار اور تبدیل کروا دیا۔ ایف آئی آر بھی درج کروا دی گئی۔ وزیر تعلیم نے ملوث عملہ کے خلاف محکمانہ کارروائی کا حکم دیتے ہوئے پیڈا ایکٹ لگانے اور ملازمت سے برخاست کرنے کی بھی ہدایت کی۔

انعامات اور سخت اقدامات

رانا سکندر حیات نے معاملے کی مخبری کرنے والے ٹیچر کو 4 بیسک تنخواہیں اور تعریفی سند دینے کا اعلان بھی کیا۔ وزیر تعلیم نے کہا کہ شخصیت طاقتور ہو یا کمزور، بوٹی مافیا کے خلاف زیرو ٹالیرنس ہے۔ اس ضمن میں کسی طالبعلم کو کسی کا حق مارنے کی اجازت نہیں دی جائے گی۔ نقل مافیا کا آخر تک پیچھا کریں گے۔