ریل کے کھانوں کا ذکر کرنا بھول ہی گیا،‘ ریل شیخوپورہ اسٹیشن پر رکی تو والد بہت ساری پوریاں، حلوہ اور بھاجی/ چنے لے آئے،یہ لذیذ اور منفرد ناشتہ تھا

مضمون کا آغاز

مصنف: شہزاد احمد حمید
قسط: 142

یہ بھی پڑھیں: ڈرون کا خوف بے اثر ہوگیا: چین نے مائیکروویو شعاعوں والا جدید ہتھیار ایجاد کر لیا

سفر کی شروعات

ادھر سے ریل نے دوسری وسل بجائی اور آہستہ آہستہ سٹیشن سے رینگنے لگی۔ مجھے والد کی آواز سنائی دی؛ "دیکھا میرے بیٹے نے دھکا لگایا اور ریل چل پڑی۔" والد کی بات سن کر میں خود کو ٹارزن سمجھتا تھا۔ ان دنوں ٹھنڈ بھی خوب ہوتی تھی۔ سرد موسم میں سر شام ہی باہر اندھیرا چھا جاتا تھا۔

یہ بھی پڑھیں: ستاروں کی روشنی میں آپ کا آج (جمعہ) کا دن کیسا رہے گا ؟

کھڑکی سے باہر کا منظر

اس زمانے میں بجلی کی سہولت ہر جگہ نہ تھی۔ ریل کی چھت سے لگے بلب کی روشنی بھی واجبی سی ہی تھی اور باہر گھپ اندھیرا۔ ہم پانچوں بہن بھائی ریل کے ڈبے کی دو کھڑکیوں سے جڑے باہر کے اندھیرے میں دیکھنے کی ناکام کوشش کر کے آپس میں لڑنے بھی پڑتے لیکن والد کی گھوری سب کو خاموش کرا دیتی تھی۔

یہ بھی پڑھیں: ایرانی صدر کا سعودی ولی عہد محمد بن سلمان سے ٹیلی فونک رابطہ

کھانے کی خوشبو

دو گھنٹے کے سفر کے بعد بھوک ستانے لگی تو والدہ سے کھانے کا کہنے لگے۔ میری بہن فرح بولی؛ "امی ریل میں کھانا کیسے ملے گا؟" میری والدہ مسکرائی، اسے پیار کیا اور دستر خوان کھولا تو اس میں پراٹھے، آملیٹ (مرچوں والے انڈے) اور آلو قیمہ تھے۔

یہ بھی پڑھیں: پی آئی اے پر پابندی ختم لیکن پیرس کے لیے فضائی آپریشن کب شروع ہوگا؟ پتہ چل گیا

خوشگوار یادیں

سب کو پراٹھے، آلو قیمہ اور آملیٹ دیا گیا۔ کھانے سے فارغ ہوئے تو صراحی سے پانی پیا۔ جو کھانا بچ گیا امی جی نے سمیٹ لیا۔ کھانا کھا کر سب بچے سو گئے۔ مجھے تو اس کھانے کا عمر بھر ایسا نشہ رہا کہ بعد میں جب بھی لمبے سفر پر روانہ ہوتا، ایسا ناشتہ بطور زاد راہ ساتھ رکھتا۔

یہ بھی پڑھیں: ٹیسٹ ٹیم کے کپتان شان مسعود کیلئے ایک ساتھ دو خوشخبریاں

فرحت بھرا ناشتہ

سچ تو یہ ہے کہ ہم سب بہن بھائی اس کھانے کے ایسے نشئی ہوئے کہ بڑی رغبت سے ٹھنڈے پراٹھے، آملیٹ، آلو قیمہ کھاتے اور بعد میں ہمارے ملازم بوٹے کے بنائے شامی کباب بھی شامل ہو گئے۔

یہ بھی پڑھیں: جھانسی ہسپتال میں نوزائیدہ بچوں کی حفاظت کرنے والے یعقوب، جن کی اپنی جڑواں بیٹیاں جھلس گئیں

صباح کی روشنی

ساری رات کے سفر کے بعد آنکھ کھلی تو سرد موسم کا سورج بھی کانپتے کانپتے افق پر بلند ہو رہا تھا۔

یہ بھی پڑھیں: پارلیمنٹ مکالمے اور اعتماد سازی میں کلیدی کردار ادا کرتے ہیں، چیئرمین سینیٹ یوسف رضا گیلانی

حلوہ پوری کا شوق

امی ابا جی سے کہنے لگیں؛ "میری والدہ میرے والد کو عمر بھر اسی نام سے پکارتی رہیں جبکہ والد انہیں 'پارو' کہتے تھے۔" انہوں نے پوچھا؛ "شیخوپورہ کب آئے گا؟" والد نے جواب دیا؛ "اگلا سٹیشن شیخوپورہ ہی ہے۔" کہنے لگیں؛ "مجھے یہاں سے حلوہ پوری کھانی ہے۔" ریل سٹیشن پر رکی تو والد بہت ساری پوریاں، حلوہ اور بھاجی/چنے لے آئے۔

یہ بھی پڑھیں: سونا جمع کرنے والا ساتواں بڑا ملک: بھارت اتنی بڑی مقدار میں کیوں ذخیرہ کر رہا ہے؟

ذائقے کی تلاش

حلوہ پوری ہم بہن بھائی پہلی بار دیکھنے اور کھانے والے تھے۔ یہ واقعی لذیذ اور منفرد ناشتہ تھا جو آج بھی ہماری پسندیدہ انتخاب ہے۔ بڑھتی عمر کے ساتھ اب پوری ہضم کرنا مشکل ہوتا جارہا ہے۔ لسی اس ناشتے کا لازمی جزو ہے۔

یہ بھی پڑھیں: تحریک انصاف کی ‘فائنل کال’: کیا یہ بشری بی بی کی سیاسی شروعات ہیں یا عمران خان کی کمی کو پورا کرنے کی کوشش؟

ریل کی کلاسز

ریل کے 3 قسم کی ٹکٹ یا کلاسز ہوتی تھیں۔ فرسٹ کلاس، انٹر یا سیکنڈ کلاس اور تھرڈ کلاس۔ سفید پوش لوگ انٹر کلاس میں ہی سفر کرتے تھے۔ کسی کی مجال نہ تھی کہ کم کلاس کی ٹکٹ میں بہتر کلاس میں سفر کرے۔

یہ بھی پڑھیں: لاہور؛موٹرسائیکل سوار گلبرگ فلائی اوور سے گر کر جاں بحق

گھریلو زندگی اور ٹرین کا کھانا

ریل کے کھانوں کا میں ذکر کرنا بھول ہی گیا۔ سفید لباس میں ملبوس بیرے چلتی ٹرین میں مسافروں تک پہنچتے اور کھانے کے آڈر لیتے۔ اور جیسے ہی ٹرین کسی سٹیشن پر رکتی، کھانا پہنچ جاتا۔

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔