پولیس یونیفارم کی تضحیک کا معاملہ، ٹک ٹاکر کاشف ضمیر کے خلاف مقدمہ درج

پولیس یونیفارم کی تضحیک کا معاملہ

لاہور(ڈیلی پاکستان آن لائن) سوشل میڈیا پر پولیس یونیفارم کی تضحیک کے معاملے میں پولیس نے ٹک ٹاکر کاشف ضمیر اور ایک پولیس اہلکار کے خلاف دو مقدمات درج کرلئے ہیں۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

ایف آئی آر کی تفصیلات

نجی ٹی وی چینل آج نیوز کے مطابق ذرائع کا کہنا ہے کہ ایف آئی آر کے مطابق کاشف ضمیر نے پولیس کی وردی پہنے اہلکار کے ساتھ سوشل میڈیا پر ویڈیوز اور تصاویر شیئر کیں، جن میں قانون نافذ کرنے والے ادارے کی ساکھ مجروح کرنے والی حرکات کی گئیں تھیں۔

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا؟

مقدمات میں شامل دفعات

مقدمات میں پیکا ایکٹ سمیت دیگر سنگین دفعات شامل کی گئی ہیں۔ ویڈیو میں دکھایا گیا کہ کاشف ضمیر نے تقریب میں پولیس اہلکار کو نوٹوں سے بھری تھالی تھما دی تھی۔

یہ بھی پڑھیں: ٹیسٹ کپتان شان مسعود نے ملتان ٹیسٹ کی پلیئنگ الیون کا اعلان کردیا

سوشل میڈیا پر وائرل ویڈیوز

پولیس حکام کے مطابق سوشل میڈیا پر وائرل ہونے والی ویڈیوز میں دیکھا جا سکتا ہے کہ ٹک ٹاکر نے پولیس کا مذاق اڑایا اور قانون کی بالادستی کو چیلنج کرنے کی کوشش کی۔

یہ بھی پڑھیں: بگٹی قبیلے کے نئے سربراہ وزیراعلیٰ بلوچستان میر سرفراز کی دستار بندی

فوری کارروائی

اس واقعے کے بعد فوری کارروائی عمل میں لائی گئی، جس میں پولیس نے نہ صرف کاشف ضمیر بلکہ پولیس اہلکار کے خلاف بھی مقدمہ درج کر لیا ہے۔

یہ بھی پڑھیں: پاکستان اور امریکہ کی مشق انسپائرڈ گیمبٹ 2026 کا انعقاد

قانون کی خلاف ورزی

ایف آئی آر میں مزید کہا گیا ہے کہ ایسی حرکتیں عوام میں پولیس کے وقار اور اعتماد کو ٹھیس پہنچاتی ہیں، جو قانوناً ناقابل قبول اور قابل سزا جرم ہے۔

یہ بھی پڑھیں: تیل کے معاہدوں پر پارلیمنٹ، صوبوں اور عوام کو اعتماد میں لیا جائے، مولانا فضل الرحمان

ملزم کی جانب سے فرار کی کوشش

پولیس کے مطابق ملزم نے کارروائی سے بچنے کے لیے آرٹیفیشل انٹلیجنس کی مدد سے دوسری ویڈیو بنائی جس میں پولیس اہلکار کے کپڑوں کا رنگ تبدیل کر دیا۔

یہ بھی پڑھیں: لندن، پاکستانی ہائی کمیشن پر حملے میں ملوث ایک شخص گرفتار

مکمل تفتیش جاری

پولیس حکام کا کہنا ہے کہ اس معاملے کی مکمل تفتیش کی جا رہی ہے اور ملوث افراد کے خلاف قانون کے مطابق سخت کارروائی عمل میں لائی جائے گی۔

ملزمان کی گرفتاری

پولیس نے دونوں ملزمان کے خلاف ایف آئی آر درج کر کے بدنامی کا باعث بننے والے پولیس اہلکار کو حراست میں لے لیا ہے، جبکہ ملزم کاشف ضمیر کی گرفتاری کے لیے چھاپے مارے جا رہے ہیں۔