ڈی آئی خان؛ایس ایچ او کی گاڑی پر فائرنگ، ہیڈکانسٹیبل سمیت 2افراد جاں بحق
ڈیرہ اسماعیل خان میں فائرنگ کا واقعہ
ڈیرہ اسماعیل خان (ڈیلی پاکستان آن لائن) میں ایس ایچ او تھانہ چودہوان کی گاڑی پر فائرنگ کے نتیجے میں ہیڈکانسٹیبل سمیت دو افراد جاں بحق ہوگئے۔
یہ بھی پڑھیں: بائبل بیلٹ: جہاں دائیں بازو کے مسیحیوں کا عقیدہ ہے کہ ٹرمپ خدا کا بھیجا ہوا ہے
واقعہ کی تفصیلات
نجی ٹی وی سما نیوز کے مطابق، یہ واقعہ ڈی آئی خان میں موسیٰ زئی کے قریب پیش آیا، جہاں ایس ایچ او تھانہ چودہوان قاسم خان کی گاڑی پر فائرنگ کی گئی۔ گولیاں لگنے سے ہیڈکانسٹیبل جاوید عالم سمیت دو افراد جاں بحق ہوئے، جبکہ حملے میں ایس ایچ او محفوظ رہے۔
پولیس کا ردعمل
پولیس کے مطابق، اہلکار عدالت میں گواہی دینے کے لیے نجی گاڑی میں ڈی آئی خان آ رہے تھے۔ واقعے کی اطلاع ملتے ہی پولیس کی بھاری نفری موقع پر پہنچ گئی اور علاقے میں سرچ آپریشن شروع کردیا۔ جبکہ لاشوں کو ڈی ایچ کیو ہسپتال منتقل کردیا گیا۔
