وزیر اعظم کی ہدایت پر قائم ہونیوالے ڈسکوز سپورٹ یونٹس نے کتنے آپریشنز کیے اور بجلی چور پکڑے؟ جان کر آپ کے ہوش ٹھکانے آ جائیں
ڈسکوز سپورٹ یونٹس کا قیام
لاہور (طیبہ بخاری سے) وزیر اعظم کی ہدایت پر قائم ہونیوالے ڈسکوز سپورٹ یونٹس نے اب تک کتنے آپریشنز کیے اور کتنے بجلی چور پکڑے؟ یہ جان کر آپ کے ہوش ٹھکانے آ جائیں۔
یہ بھی پڑھیں: 26ویں آئینی ترمیم کے بعد نواز شریف کی امریکی روانگی متوقع
بجلی چوروں کے خلاف آپریشن
تفصیلات کے مطابق وزیر اعظم شہباز شریف کی ہدایت پر چیف ایگزیکٹو لیسکو کی قیادت میں قائم ہونیوالے ڈسکو سپورٹ یونٹس کا ریجن بھر میں بجلی چوروں کے خلاف آپریشن جاری ہے۔ لیسکو حکام اور قانون نافذ کرنے والے اداروں کے مشترکہ آپریشن میں رواں مالی سال میں اب تک 1 لاکھ 10 ہزار 518 مقامات پر بجلی کی چوری پکڑی گئی۔
قانونی کارروائیاں اور نتائج
مختلف کارروائیوں کے دوران 93 ہزار 811 ملزمان کے خلاف مقدمات درج کیے گئے جبکہ 11 ہزار 559 ملزمان کو گرفتار بھی کیا گیا۔ بجلی چوری میں ملوث ملزمان کو ڈٹیکشن بل کی مد میں 10 کروڑ 3 لاکھ 8 ہزار 258 یونٹس چارج کیے گئے جن کی مالیت 4 ارب 26 کروڑ 79 لاکھ 43 ہزار 816 روپے ہے۔
