بجلی چور معیشت کے لیے سنگین خطرہ، قومی ترقی میں بھی رکاوٹ ڈال رہے ہیں: سی ای او لیسکو رمضان بٹ

لیسکو کی زیرو ٹالیرنس پالیسی

لاہور (طیبہ بخاری سے) چیف ایگزیکٹو لیسکو انجینئر رمضان بٹ نے بجلی چوروں کے خلاف زیرو ٹالیرنس پالیسی کا اعلان کیا۔ انہوں نے کہا کہ بجلی چور نہ صرف پاکستان کی معیشت کے لیے سنگین خطرہ ہیں، بلکہ وہ قومی ترقی میں بھی رکاوٹ ڈال رہے ہیں۔ ہمارا مقصد پورے لیسکو ریجن میں بجلی چوری کے تمام راستے بند کرنا ہے۔

یہ بھی پڑھیں: 56 Pakistani Prisoners Return Home After Years in Sri Lanka

قانون کا سامنا

تفصیلات کے مطابق، چیف ایگزیکٹو انجینئر رمضان بٹ نے کہا کہ ہم اس بات کو یقینی بنائیں گے کہ بجلی چوروں کو ہر صورت میں قانون کے کٹہرے میں لایا جائے۔ یہ لوگ پاکستان کے اقتصادی استحکام کے دشمن ہیں اور عوام کے لئے مشکلات پیدا کر رہے ہیں۔ لیسکو کا ڈسکو سپورٹ یونٹ ہر علاقے میں چھاپے مار کر بجلی چوری کرنے والوں کے خلاف سخت کارروائیاں کر رہا ہے۔

یہ بھی پڑھیں: آئینی ترامیم کے معاملےپر پارٹی کا ساتھ نہ دینے والوں کو ایک موقع دیا جائے گا، زرتاج گل

بجلی کی چوری کا خاتمہ

چیف ایگزیکٹو نے کہا کہ اس پالیسی پر عمل درآمد کے نتیجے میں نہ صرف بجلی کی چوری کا خاتمہ ہوگا بلکہ اس سے ملک کی توانائی کی بچت اور صارفین کو بہتر سروس فراہم کرنے میں مدد ملے گی۔ یہ ایک جنگ ہے جس میں تمام ملازمین اور افسران کی مدد ضروری ہے۔

عوام سے تعاون کی درخواست

انہوں نے عوام سے اپیل کی کہ وہ بھی بجلی چوروں کی نشاندہی کرنے میں لیسکو کی مدد کریں تاکہ اس قومی جرم کا خاتمہ کیا جا سکے اور پاکستان کی توانائی کی ضروریات کو بہتر بنایا جا سکے۔