تربوز کے بیج کے 7 حیرت انگیز فوائد، جان کر آپ انہیں کبھی نہیں پھینکیں گے
نئی دہلی (ڈیلی پاکستان آن لائن) اکثر لوگ تربوز کھاتے وقت اس کے بیج پھینک دیتے ہیں، لیکن ماہرین صحت کے مطابق یہی چھوٹے بیج صحت کا خزانہ ہیں۔ این ڈی ٹی وی کے مطابق تربوز کے بیج کئی اہم غذائی اجزاء سے بھرپور ہوتے ہیں جن میں پروٹین، میگنیشیم، زنک اور آئرن شامل ہیں۔ یہ بیج بھون کر، پانی میں بھگو کر یا پاؤڈر کی شکل میں استعمال کیے جا سکتے ہیں۔
دل کی صحت کے لیے مفید
تربوز کے بیجوں میں موجود میگنیشیم اور صحت مند چکنائیاں بلڈ پریشر کو قابو میں رکھنے اور دل کی بہتر کارکردگی کے لیے مفید ہیں۔
یہ بھی پڑھیں: پی ایس ایل، بابر اعظم کی ریکارڈ ساز اننگز، پشاور زلمی نے کراچی کنگز کو جیت کے لیے 247 رنز کا ٹارگٹ دے دیا۔
جلد کو نکھارتے ہیں
ان بیجوں میں اینٹی آکسیڈنٹس اور اومیگا 6 فیٹی ایسڈز ہوتے ہیں، جو جلد کو فری ریڈیکلز کے نقصان سے بچاتے ہیں۔ زنک کی موجودگی کولیجن بنانے اور زخموں کو بھرنے میں مدد دیتی ہے۔
یہ بھی پڑھیں: پی ایس ایل میں سب سے زیادہ وکٹیں، حسن علی نے وہاب ریاض کا ریکارڈ توڑدیا
ہاضمے کو بہتر بناتے ہیں
پانی میں بھگوئے ہوئے تربوز کے بیج غذائی فائبر سے بھرپور ہوتے ہیں جو ہاضمے کو بہتر بنانے اور قبض سے نجات دلانے میں مدد دیتے ہیں۔
یہ بھی پڑھیں: فرعون کے مقبرے کو لٹیروں نے جی بھر کے لوٹا، جو اشیاء نہ لے جاسکے وہ برطانوی و فرانسیسی سائنسدانوں نے اپنے ملکوں کے عجائب گھروں میں پہنچا دیں
ذیابیطس میں مفید
میگنیشیم کاربوہائیڈریٹ میٹابولزم اور انسولین کی حساسیت کو بہتر بناتا ہے، جو ٹائپ 2 ذیابیطس کے مریضوں کے لیے مفید ہو سکتا ہے۔
یہ بھی پڑھیں: پی ٹی آئی رکن اسمبلی شاہد خٹک کا قومی اسمبلی کی تمام سٹینڈنگ کمیٹیوں سے مستعفی ہونے کا اعلان
مردانہ صحت میں بہتری
زنک مردوں میں سپرم کوالٹی اور ٹیسٹوسٹیرون لیول بہتر بنانے میں اہم کردار ادا کرتا ہے، جو افزائش نسل کے لیے ضروری ہے۔
یہ بھی پڑھیں: عالمی طوفان کی جعلی پیش گوئی، گھانا میں نبوت کا جھوٹا دعویٰ کرنے والا گرفتار
پٹھوں کی مضبوطی
سو گرام تربوز کے بیجوں میں 20 گرام سے زائد پروٹین پایا جاتا ہے جو ورزش کرنے والوں یا سبزی خور افراد کے لیے بہترین پروٹین کا ذریعہ ہے۔
ہڈیوں کو مضبوط بناتے ہیں
تربوز کے بیج میگنیشیم، فاسفورس اور پوٹاشیم سے بھرپور ہوتے ہیں جو ہڈیوں کی مضبوطی اور آسٹیوپوروسس سے بچاؤ میں مددگار ہیں۔
