کانگو میں کشتی میں آگ لگنے سے ہلاک افراد کی تعداد 148 ہو گئی

افریقہ میں کشتی حادثہ

کنشاسا (ڈیلی پاکستان آن لائن) افریقی ملک کانگو میں کشتی میں آگ لگنے سے ہلاک افراد کی تعداد 148 ہوگئی۔

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا ؟

حادثے کی تفصیلات

غیر ملکی میڈیا کے مطابق، کانگو میں ایچ بی کونگولو نامی کشتی Matankumu کی بندرگاہ سے بولومبا کے علاقے کے لیے روانہ ہوئی جہاں کشتی میں آگ لگ گئی۔

یہ بھی پڑھیں: کلاؤڈ فلیئر کی خرابی سے عالمی سطح پر بڑی ویب سائٹس اور پلیٹ فارمز متاثر

آگ لگنے کا واقعہ

میڈیا رپورٹس میں بتایا گیا ہے کہ کشتی میں آگ لگنے کا واقعہ منگل کے روز اس وقت پیش آیا جب ایک خاتون لکڑی کی بنی کشتی میں کھانا پکا رہی تھی۔

یہ بھی پڑھیں: 26 ویں آئینی ترمیم سے عوام کو عدالتوں سے جلد انصاف ملے گا: وزیراعظم

نقصانات کی تفصیلات

کشتی میں خواتین اور بچوں سمیت 500 افراد سوار تھے۔ آگ لگتے ہی کشتی دریائے کانگو میں ڈوب گئی جس کے نتیجے میں 148 افراد ہلاک اور سیکڑوں لاپتا ہوگئے۔

یہ بھی پڑھیں: سردار سکندر حیات، بینظیر کے قریبی ساتھی، انتقال کر گئے

بچ جانے والے افراد

میڈیا رپورٹس کے مطابق اس حادثے میں 100 افراد زندہ بھی بچ گئے جب کہ زخمیوں کا علاج جاری ہے۔

کشتی رانی کے حادثات

میڈیا رپورٹس کے مطابق کانگو میں کشتی رانی کے حادثات عام ہیں جہاں پرانی لکڑی کی کشتیاں دیہاتوں کے درمیان نقل و حمل کا ایک ذریعہ ہیں اور اکثر ان پر گنجائش سے کہیں زیادہ لوگ سوار ہوتے ہیں۔