پاکستان ویمنز ٹیم کا ورلڈکپ کے لیے کوالیفائی کرنا بھارت کے لیے مہنگا پڑ گیا

پاکستان ویمنز ٹیم کی تاریخی کامیابی

لاہور(آئی این پی)پاکستان ویمنز ٹیم نے آئی سی سی ورلڈکپ 2025 کی کوالیفکیشن حاصل کرلی۔گزشتہ روز قذافی اسٹیڈیم میں کھیلے گئے میچ میں پاکستان نے ٹاس جیت کر بیٹنگ کا فیصلہ کیا تھا، پہلے بیٹنگ کرتے ہوئے پاکستان نے مقررہ 50 اوورز میں 205 رنز بنائے تھے۔

یہ بھی پڑھیں: پی ٹی آئی نے سپیکر ایاز صادق کی ملاقات کی دعوت قبول کرلی

مقابلے میں شاندار کارکردگی

جواب میں تھائی لینڈ کی ٹیم محض 34.4 اوورز میں صرف 118 رنز پر ڈھیر ہوگئی تھی اور یوں پاکستان نے 67 رنز سے فتح سمیٹی۔ یہ ورلڈکپ کوالیفائرز میں پاکستان کی مسلسل چوتھی جیت تھی۔ اس جیت کے ساتھ ہی گرین شرٹس کی ٹیم بھارت میں ہونے والے ویمنز ورلڈکپ 2025 کے لیے کوالیفائی کرچکی ہے۔ یہ ایونٹ ہائبرڈ ماڈل کے تحت کھیلا جائے گا، جس کیلئے ہندوستان کو لاجسٹک مسائل کا سامنا کرنا پڑے گا۔

یہ بھی پڑھیں: انٹرویو کیلئے جلدی پہنچنے پر ملازمت کا امیدوار مسترد،  آجر کا موقف بھی آگیا

بھارت میں ورلڈکپ 2025 کی میزبانی

بھارت ورلڈکپ 2025 کی میزبانی کرے گا لیکن پاکستان اپنے تمام میچز نیوٹرل وینیو پر کھیلے گا۔ یہ فیصلہ چیمپئینز ٹرافی 2025 میں ہوا تھا، کیونکہ بھارت سیکیورٹی کا بہانہ بنا کر پاکستان آنے سے انکار کر چکا تھا۔ اور یوں ایونٹ کے لیے پاکستان نے دبئی کو نیوٹرل وینیو کے طور پر چنا تھا۔

نیوٹریل وینیو کے فیصلے

اسی دوران آئی سی سی، بھارتی کرکٹ بورڈ اور پاکستان کرکٹ بورڈ نے مشترکہ طور پر فیصلہ کیا تھا کہ 2027 تک کے تمام ایونٹس میں بھارت-پاکستان میچز نیوٹرل وینیو پر کھیلے جائیں گے۔ جن میں ورلڈکپ 2025 (بھارت)، ٹی20 ورلڈکپ 2026 (بھارت/سری لنکا) اور ویمنز ٹی20 ورلڈکپ 2028 (پاکستان) شامل ہیں۔ اسی طرح، اگر پاکستان ویمنز ورلڈکپ 2025 میں سیمی فائنل یا فائنل تک پہنچتی ہے تو وہ میچز بھی بھارت سے باہر ہوں گے، جبکہ بھارت اور پاکستان کا میچ بھی نیوٹرل وینیو پر کھیلا جائے گا۔