پیوٹن نے یوکرین سے عارضی طور پر جنگ بندی کا اعلان کردیا

ایسٹر کے موقع پر جنگ بندی کا اعلان

ماسکو (ڈیلی پاکستان آن لائن) روس کے صدر ویلادیمیر پیوٹن نے عیسائیوں کے مذہبی تہوار ایسٹر کے موقع پر روس یوکرین جنگ میں عارضی جنگ بندی کا اعلان کردیا۔ کریملن کے مطابق روس 19 اپریل شام 6 بجے سے 21 اپریل رات 12 بجے تک جنگ بندی پر عمل کرے گا، یوکرین کی جانب سے بھی جنگ بندی پر عمل کی امید رکھتے ہیں۔

یہ بھی پڑھیں: پی ٹی آئی رہنما جنید اکبر و شیر علی ارباب اپنی ہی پارٹی قیادت پر برس پڑے

جنگ بندی کی شرائط

کریملن کا کہنا ہے کہ روسی فوج یوکرین کی جانب سے جنگ بندی کی خلاف ورزی کا جواب دے گی۔ روسی صدر پیوٹن نے اپنے بیان میں کہا کہ عارضی جنگ بندی کے دوران یوکرین کا رویہ امن معاہدے کےلیے اس کی سنجیدگی ظاہر کرے گا۔

امن مذاکرات کی حمایت

انہوں نے کہا کہ روس ہمیشہ سے امن بات چیت کےلیے تیار رہا ہے، یوکرین تنازع کے منصفانہ حل کےلیے امریکا، چین اور دیگر ممالک کی خواہش کا خیرمقدم کرتے ہیں۔