گوجرانوالہ ڈویژن سے تعلق رکھنے والے 54 جوڑوں کی اجتماعی شادی کی تقریب، “دھی رانی پروگرام” ریاست مدینہ کی عملی تصویر ہے : صوبائی وزیر سہیل شوکٹ بٹ
اجتماعی شادی کی تقریب
لاہور (ڈیلی پاکستان آن لائن) وزیر اعلیٰ پنجاب مریم نواز کے پروگرام "دھی رانی" کے سیکنڈ فیز کے تحت گوجرانوالہ ڈویژن کے اضلاع سے تعلق رکھنے والے 54 جوڑوں کی اجتماعی شادی کی تقریب ہوئی۔
یہ بھی پڑھیں: ماضی کو نہیں سوچتا، سب کو اچھی طرح معلوم ہے کیا ہورہا ہے کیا نہیں: محمد رضوان
مبارکباد اور تحائف
صوبائی وزیر سوشل ویلفیئر اینڈ بیت المال سہیل شوکت بٹ نے نوبیاہتا جوڑوں کو شادی کی مبارکباد اے ٹی ایم کے ذریعے ایک ایک لاکھ روپے سلامی دی۔ تقریب میں کمشنر گوجرانوالہ ڈوثرن سید نوید حیدر شیرازی، ڈپٹی کمشنر نوید احمد، اور دیگر معزز شخصیات موجود تھیں۔
یہ بھی پڑھیں: شاہین آفریدی نے قومی ٹیم کے تربیتی کیمپ میں حصہ کیوں نہیں لیا؟
شرکاء کی تفصیلات
وزیر اعلیٰ پنجاب مریم نواز کے فلیگ شپ پروگرام پنجاب "دھی رانی" کے سیکنڈ فیز کے تحت رشتۂ ازدواج میں منسلک ہونے والوں میں گوجرانوالہ کے 17، حافظ آباد 23، نارووال 1، سیالکوٹ 2، اور منڈی بہاوالدین 7 جوڑے شامل ہیں۔ اس تقریب میں 52 مسلم اور 2 غیر مسلم جوڑوں کی شمولیت ہوئی، جنہیں سلامی کے ساتھ 2 لاکھ روپے مالیت کا جہیز بھی فراہم کیا گیا۔ ہر جوڑے کے 20 رشتہ دار بھی شریک تھے۔
یہ بھی پڑھیں: ہندوستان میں جنگ آزادی کا آغاز ہو گیا: انگریز سرکار پریشان تھی، فوج کی نقل و حرکت کے نظام کو مضبوط رکھنا چاہتی تھی اور لاہور مرکزی مقام بننے جا رہا تھا۔
شادی کی تقریب کی تفصیلات
باراتوں کی آمد پر پولیس بینڈ نے دھنیں پیش کیں جبکہ مہمانوں کی ضیافت پرتکلف کھانے سے کی گئی۔
یہ بھی پڑھیں: وزیر اعظم کی ہدایت پر قائم ہونیوالے ڈسکوز سپورٹ یونٹس نے کتنے آپریشنز کیے اور بجلی چور پکڑے؟ جان کر آپ کے ہوش ٹھکانے آ جائیں
وزیر کا پیغام اور معاشرتی اہمیت
صوبائی وزیر سوشل ویلفیئر اینڈ بیت المال سہیل شوکت بٹ نے اس موقع پر خطاب کرتے ہوئے کہا کہ بیٹیاں سانجھی ہوتی ہیں۔ مریم نواز نے پنجاب دھی رانی پروگرام کے تحت اس کہاوت کو سچ ثابت کیا۔ انہوں نے مزید کہا کہ ہر طبقہ سے تعلق رکھنے والے جوڑوں کی یہ اجتماعی تقریب مساوات کا مظہر ہے۔
یہ بھی پڑھیں: اسلام آباد ہائیکورٹ: ماتحت عدلیہ کے 2 ججز کی خدمات پشاور ہائیکورٹ کو واپس
فلاحی اقدامات اور کامیابی
صوبائی حکومت نے فلاحی پالیسیوں کو متعارف کراتے ہوئے معاشرے کی بہتری کے لیے مختلف منصوبوں کا آغاز کیا ہے۔ "دھی رانی پروگرام" ریاست مدینہ کی عملی تصویر ہے، جسے مسلم لیگ (ن) کی حکومت نے عملی شکل دی ہے۔
خیر مقدم اور تعریف
اجتماعی شادیوں کے بہترین پروگرام کے انعقاد پر سوشل ویلفیئر ڈیپارٹمنٹ کو مبارکباد دی گئی۔
