پاکستان بزنس کونسل دبئی کی لاہور میں منعقد ہونے والی چوتھی ہیلتھ، انجینئرنگ اینڈ منرلز شو میں شرکت، قونصلیٹ کی نمائندگی، کمرشل قونصلر علی زیب خان نے کی

پاکستان بزنس کونسل کی چوتھی ہیلتھ، انجینئرنگ اینڈ منرلز شو میں شرکت

دبئی (طاہر منیر طاہر) – پاکستان بزنس کونسل دبئی نے 17 تا 19 اپریل لاہور میں منعقد ہونے والی چوتھی ہیلتھ، انجینئرنگ اینڈ منرلز شو (HEMS 2025) میں بھرپور شرکت کی۔ صدر پاکستان بزنس کونسل دبئی شبیر مرچنٹ اور دبئی میں پاکستان کے قونصل خانہ کے اشتراک سے نمائش میں موجود تھے۔ قونصل خانہ کی نمائندگی کمرشل قونصلر علی زیب خان نے کی جس میں غیر ملکی وفود کا پرتپاک استقبال کیا گیا اور مؤثر B2B ملاقاتیں بھی ہوئیں۔

یہ بھی پڑھیں: ایئر انڈیا کے عملے کا رکن ایک مسافر کے ساتھ ایسا کام کرتے ہوئے پکڑا گیا کہ گرفتار کرلیا گیا

اعلیٰ سطحی سیشنز اور ملاقاتیں

شرکاء کو پروقار اعلیٰ سطحی سیشن میں شرکت کا موقع ملا، جس کی قیادت وفاقی وزیر تجارت، سیکریٹری تجارت اور چیف ایگزیکٹو TDAP نے کی۔ صوبائی وزیر برائے تجارت، صنعت و سرمایہ کاری شفاعت حسین، چیف ایگزیکٹو ٹی ڈی اے پی فیض احمد، اور سیکریٹری ٹی ڈی اے پی شیراز تاج نے متحدہ عرب امارات کے وفد (PKAE) کے ساتھ اعلیٰ سطحی ملاقاتیں کیں۔

تجارتی و سرمایہ کاری کے مواقع

ان ملاقاتوں کے دوران صحت، انجینئرنگ اور معدنیات کے شعبوں میں مؤثر تجارتی و سرمایہ کاری کے مواقع پر تبادلہ خیال ہوا جو باہمی تعاون کے فروغ کا باعث بنے گا۔