اسرائیل کی غزہ پر بمباری میں مزید 60 فلسطینی شہید، یرغمالی امریکی فوجی لاپتا

غزہ میں اسرائیلی بمباری کا تسلسل

غزہ (ڈیلی پاکستان آن لائن) میں اسرائیلی فوج کی بمباری کے نتیجے میں مزید 60 فلسطینی شہید ہوگئے۔ نجی ٹی وی جیو نیوز نے عرب میڈیا رپورٹس کے حوالے سے بتایا کہ غزہ میں اسرائیلی فوج کی کارروائیاں جاری ہیں، جن کے باعث 24 گھنٹوں میں 60 سے زائد فلسطینی جان کی بازی ہار گئے۔

یہ بھی پڑھیں: ایران کے ساتھ بات چیت جاری ہے، معاہدہ طے نہ ہونے کی صورت میں نتائج بہت برے ہوں گے: ٹرمپ کا انتباہ

حماس کا بیان

ادھر فلسطینی مزاحمتی تنظیم حماس کا کہنا ہے کہ اسرائیلی بمباری کے دوران یرغمالی اسرائیلی نژاد امریکی فوجی عیدان الیگزینڈر لاپتا ہوگیا ہے۔ حماس کے عسکری ونگ القسام بریگیڈ نے بھی اسرائیلی فوج کے خلاف جوابی حملے کیے، جن میں متعدد اسرائیلی فوجی ہلاک اور زخمی ہوئے۔

یہ بھی پڑھیں: میں نے جنید صفدر کی شادی پر کھانا نہیں کھایا، صرف سلاد پر گزارا کیا، عظمیٰ بخاری

فلسطینی مزاحمت کی کاروائیاں

فلسطینی مزاحتی تنظیم نے اسرائیلی فوج کے ٹینک اور ملٹری بلڈوزر کو بھی تباہ کر دیا جبکہ شمالی غزہ میں ایک اسرائیلی ڈرون بھی تباہ ہو گیا۔

یہ بھی پڑھیں: پنجاب کے تمام سرکاری ہسپتالوں میں ہائی الرٹ جاری کردیا گیا

مقبوضہ بیت المقدس میں اسرائیلی کارروائیاں

ادھر مقبوضہ بیت المقدس میں اسرائیلی فوج کی جانب سے کارروائی کی گئی، جس کے باعث مسیحیوں کو ان کے مقدس مقام پر جانے سے روک دیا گیا۔

عوامی مخالفت میں اضافہ

دوسری جانب غزہ جنگ پر اسرائیلی وزیراعظم نیتن یاہو کے خلاف عوامی مخالفت میں اضافہ ہو رہا ہے۔ ایک لاکھ 40 ہزار سے زائد اسرائیلی شہریوں اور فوجیوں نے غزہ جنگ ختم کرنے اور یرغمالیوں کی واپسی کی قرارداد پر دستخط کر دیے ہیں۔