پاکستان کے لیے دوبارہ کھیلنا میرا ہدف ہے، دھواں دار بیٹر صاحبزادہ فرحان

اسلام آباد یونائیٹڈ کے کھلاڑی کا عزم

راولپنڈی (ڈیلی پاکستان آن لائن) پاکستان سپر لیگ (پی ایس ایل) 10 میں اسلام آباد یونائیٹڈ کی ٹیم میں شامل صاحبزادہ فرحان کا کہنا ہے کہ میرا ہدف پاکستان کے لیے دوبارہ کھیلنا ہے اور طویل مدت کے لیے کھیلنا ہے۔ ایک انٹرویو میں انہوں نے کہا کہ جب بھی موقع ملے، لانگ ٹرم کھیلنا ہے، یہ نہیں کہ ایک دو میچز کھیلوں اور باہر ہوجاؤں۔

یہ بھی پڑھیں: کئی سال سے جبڑے کی چوٹ سے پریشان آدمی کا مسئلہ چیٹ جی پی ٹی نے چند سیکنڈز میں حل کردیا

مناسب چانس کی اہمیت

صاحبزادہ فرحان نے کہا کہ پاکستان میں اوپنرز میں کافی مقابلہ ہے، مناسب چانس ملنا ضروری ہے۔ انٹرنیشنل کرکٹ میں کافی پریشر ہوتا ہے، دو تین میچز میں کسی پلیئر کو جج نہیں کرسکتے۔

یہ بھی پڑھیں: دنیا کے سب سے تیز سپر کمپیوٹر سے بھی کھربوں گنا تیز: گوگل کی نئی چپ کی ناقابلِ یقین خصوصیات کیا ہیں؟

نیشنل ٹی ٹوئنٹی کی کامیابی

انہوں نے مزید بتایا کہ نیشنل ٹی ٹوئنٹی کے ابتدا میں سنچری کرکے مجھے بہت اعتماد ملا تھا۔ میں نیشنل ٹی ٹوئنٹی میں ٹاپ کرنے کا ارادہ رکھتا تھا تاکہ پی ایس ایل کے لیے توجہ حاصل کروں۔ نیشنل ٹی ٹوئنٹی میں تین سنچریوں کے بعد دو پچاس بھی کیے ہیں اور مجھے خوشی ہے کہ نیشنل ٹی ٹوئنٹی کی فارم پی ایس ایل میں بھی جاری رہے۔

یہ بھی پڑھیں: بھارتی اداکارہ نے مدینہ منورہ میں نکاح کرلیا، شادی کی تصاویر سامنے آگئیں

مقصد اور محنت

صاحبزادہ فرحان نے کہا کہ بطور پلیئر آپ کو کبھی بھی ریلیکس نہیں ہونا چاہیے۔ ایک دو اننگز کھیل کر مطمئن نہیں ہوسکتا۔ کوشش ہوگی کہ پی ایس ایل میں ایک دو سنچریاں کروں تاکہ ریکارڈ بھی بنے اور ٹیم کو بھی فائدہ ہو۔ انہوں نے کہا کہ ہمارے ہاتھ میں صرف محنت کرنا ہے۔

یہ بھی پڑھیں: پاک بھارت ڈی جی ایم اوز کے درمیان سیز فائر کے بعد چوتھا رابطہ

پی ایس ایل میں بہترین کارکردگی کا عزم

ان کا کہنا تھا کہ پہلے جب پی ایس ایل میں پک نہیں ہوا تو مایوس ہونے کے بجائے محنت کی۔ ہمیشہ ہر ٹورنامنٹ میں ٹاپ کرنا میری عادت ہے۔ چاہے عام ٹورنامنٹ ہو یا بڑا ٹورنامنٹ، کوشش ہوگی کہ پاکستان سپر لیگ کے دسویں ایڈیشن میں بھی ٹاپ بیٹر بنوں۔

یہ بھی پڑھیں: پاکستان میں خوشحالی کے نئے دور کا آغاز

تنقید کا جواب

ایک سوال پر انہوں نے کہا کہ لوگ ہمیشہ مجھے کہتے تھے کہ میں صرف ڈومیسٹک کا پرفارمر ہوں، پی ایس ایل میں رنز کرکے انہیں غلط ثابت کیا۔ پاکستان سپر لیگ بڑی لیگ ہے، یہاں اسکور کریں تو انٹرنیشنل کرکٹ میں آسانی ہوجاتی ہے۔

یہ بھی پڑھیں: طالبہ سے مبینہ زیادتی کا غیرمصدقہ واقعہ، ڈیجیٹل میڈیا سے وابستہ 16 انفلوئنسرز گرفتار کر لیے گئے

ٹی ٹوئنٹی میں بیٹنگ کا انداز

انہوں نے یہ بھی کہا کہ ٹی ٹوئنٹی میں بیٹر کے لیے اس کی طے پوزیشن پر بیٹنگ کرنا کافی اہم ہوتا ہے جب کہ ون ڈے اور ٹیسٹ میں وقت ہوتا ہے، تو بیٹر کے پاس ایڈجسٹ ہونے کا وقت ہوتا ہے۔ میری خواہش ہے کہ ٹی ٹوئنٹی میں اوپننگ کے نمبر پر ہی بیٹنگ کروں۔

سپورٹ اور بہتری

صاحبزادہ فرحان نے بتایا کہ ابھی میرا پورا فوکس پاکستان سپر لیگ پر ہے۔ سلمان آغا کافی سپورٹ کر رہے ہیں اور انہوں نے پہلے میچ کے بعد مجھے ٹپس دیں جس سے میرا بیلنس بہتر ہوا۔ میرے پہلے آن سائیڈ پر مسئلے تھے جن کو میں نے بہتر کر لیا ہے اور اب ان پر اسکور کر رہا ہوں۔ میری اکیڈمی کے کوچ نے بھی میرا کھیل بہتر کرنے میں مدد دی ہے۔