بابا گرونانک کبڈی کپ، انڈیا اور ایران کی ٹیمیں وطن واپس پہنچ گئیں۔

سرسبز بابا گرونانک انٹرنیشنل کبڈی کپ کی اختتام

لاہور (آئی این پی) سرسبز بابا گرونانک انٹرنیشنل کبڈی کپ میں شرکت کے بعد انڈیا اور ایران کی ٹیمیں اپنے وطن واپس پہنچ گئیں۔

یہ بھی پڑھیں: گھنٹوں میں جنگ کا خاتمہ اور اقتصادی تنازع کے خدشات: ٹرمپ کے دوسرے صدارتی دور کیسا ہوگا؟

مہمان کھلاڑیوں کا جذبہ

سیکرٹری پاکستان کبڈی فیڈریشن رانا محمد سرور کے مطابق مہمان کھلاڑیوں نے لاہور میں کبڈی کا شاندار کھیل پیش کرکے پاکستان میں کبڈی کے فروغ میں اہم کردار ادا کیا۔ کھلاڑیوں نے لاہوری کھانوں کی بہت تعریف کی، اور مختلف بازاروں میں شاپنگ بھی کی۔ روانگی سے پہلے پاکستانی عوام کی مہمان نوازی پر وہ خوش نظر آئے۔ انڈین اور ایرانی کھلاڑیوں کی بحفاظت وطن واپسی اس بات کا ایک اور ثبوت ہے کہ پاکستان ایک پرامن ملک ہے اور یہاں کے لوگ مہمان نواز اور کھیلوں کے شوقین ہیں۔

یہ بھی پڑھیں: فری لانسرز کیلئے خوشخبری، وی پی این رجسٹریشن کا انتہائی آسان طریقہ سامنے آگیا

ایونٹ کی کامیابی کا سہرا

سرسبز بابا گرونانک انٹرنیشنل کبڈی کپ کی کامیابی کا تمام تر سہرا صدر پاکستان کبڈی فیڈریشن چودھری شافع حسین کو جاتا ہے، جنہوں نے کھلاڑیوں کے ویزوں، رہائش، سکیورٹی اور دیگر انتظامات کو یقینی بنانے میں اہم کردار ادا کیا۔ ایک اور بین الاقوامی ایونٹ کو ملک میں کرانے پر چودھری شافع حسین مبارکباد کے مستحق ہیں۔ ہم پنجاب پولیس، سپورٹس بورڈ پنجاب، واپڈا حکام سمیت ان تمام اداروں کے بھی مشکور ہیں جن کے تعاون کی وجہ سے یہ ایونٹ شاندار انداز میں ممکن ہوسکا۔

مستقبل کے منصوبے

رانا سرور کا مزید کہنا تھا کہ پاکستان کبڈی فیڈریشن نے اب ان کی قیادت میں ورلڈکپ بھی کرانے کا پلان بنایا ہے۔ کینیڈا کپ کے لیے بھی بہترین کھلاڑیوں کا انتخاب کرکے بھرپور تیاری کی جائے گی، اور پاکستان میں کبڈی کے مزید ایونٹس بھی منعقد کیے جائیں گے۔