کہاں کہاں تیز ہواؤں اور گرج چمک کیساتھ بارش کا امکان؟ محکمہ موسمیات کی اہم پیش گوئی

موسمیاتی پیشگوئی

اسلام آباد(ڈیلی پاکستان آن لائن) محکمہ موسمیات نے خیبرپختونخوا، گلگت بلتستان اور کشمیر کے بعض علاقوں میں تیز ہواؤں اور گرج چمک کے ساتھ بارش کا امکان ظاہر کیا ہے۔

یہ بھی پڑھیں: پاکستان اور بھارت دو نیوکلیئر طاقتوں میں کشیدگی، ویڈیو تجزیہ

اسلام آباد کا موسم

نجی ٹی وی چینل ہم نیوز کے مطابق محکمہ موسمیات کا کہنا ہے کہ اسلام آباد اور گردونواح میں موسم گرم اور خشک رہنے کا امکان ہے۔ پنجاب کے بیشتر اضلاع میں بھی موسم گرم اور خشک رہے گا۔ تاہم پنجاب کے جنوبی اضلاع میں دوپہر کو گردآلود ہوائیں چلنے کا امکان ہے۔

یہ بھی پڑھیں: مذاکرات کی بھیک نہیں مانگیں گے، حکومت پہل کریگی: شبلی فراز

بلوچستان اور سندھ کی صورتحال

ادھر بلوچستان کے بیشتر اضلاع میں تیز ہوائیں چلنے کا امکان ہے۔ جبکہ سندھ کے بیشتر اضلاع میں موسم شدید گرم رہے گا۔

یہ بھی پڑھیں: شاہین صہبائی کو ایکس پر ڈی ایچ اے کے پلاٹ فروخت نہ ہونے کا دعویٰ مہنگا پڑ گیا

خیبر پختونخوا میں بارش کا امکان

رپورٹ کے مطابق خیبر پختونخوا کے علاقے چترال، دیر، سوات، کوہستان، شانگلہ، بٹگرام، بونیر، مہمند، خیبر اور کرم سمیت دیگر علاقوں میں گرج چمک کے ساتھ بارش کا امکان ہے۔

یہ بھی پڑھیں: بنوں بڑی تباہی سے بچ گیا، دھماکہ خیز مواد سے بھری گاڑی پکڑی گئی

گلگت بلتستان اور آزاد کشمیر میں موسم

گلگت بلتستان اور آزاد کشمیر کے چند مقامات پر تیز ہواؤں اور گرج چمک کے ساتھ بارش ہو سکتی ہے۔

کراچی میں شدید گرمی

کراچی میں آج موسم شدید گرم رہنے کا امکان ہے اور آج بھی ہیٹ ویو کا خدشہ رہے گا۔ شہر قائد میں آج درجہ حرارت 41 ڈگری سینٹی گریڈ تک جا سکتا ہے۔