جے یو آئی کا پاکستان تحریک انصاف کے ساتھ اتحاد نہ کرنے کا فیصلہ

جے یو آئی کا اتحاد نہ کرنے کا فیصلہ

لاہور(ڈیلی پاکستان آن لائن) جمعیت علمائے اسلام (جے یو آئی) نے حتمی طور پر فیصلہ کرلیا ہے کہ وہ تحریک انصاف کے ساتھ اتحاد نہیں کرے گی اور نہ ہی کسی ایسے اتحاد میں شامل ہوگی جو تحریک انصاف کے ایما پر قائم کیا جائے گا۔

یہ بھی پڑھیں: بھارتی اداکارہ نے پیسے نہ دینے پر پروڈیوسر کو چپل دے ماری

پارلیمنٹ میں آزاد حزب اختلاف کا کردار

نجی ٹی وی چینل دنیا نیوز کے مطابق جے یو آئی نے یہ بھی فیصلہ کیا ہے کہ وہ پارلیمنٹ میں آزاد حزب اختلاف کا کردار ادا کرتی رہے گی، وہ حکومت کا حصہ نہیں بنے گی اور پارلیمنٹ میں زیر غور آنے والے معاملات کا جائزہ لیتی رہے گی۔ باوقت ضرورت تحریک انصاف کے ساتھ تعاون کرنے یا نہ کرنے کا تعین کیا جائے گا۔

یہ بھی پڑھیں: ایلون مسک کی ٹرمپ کابینہ میں نامزدگی کے بعد ایکس کے صارفین ‘بلیو سکائی’ کی طرف کیوں بڑھ رہے ہیں

احتجاجی ریلیوں کا اعلان

جمعیت علمائے اسلام کے ذرائع نے بتایا ہے کہ جے یو آئی کے زیر اہتمام 27 اپریل کو مینار پاکستان کے سبزہ زار پر ’’اسرائیل مردہ باد‘‘ ریلی ہو گی۔ اسی طرح 10 مئی کو پشاور اور 17 مئی کو کوئٹہ میں بھی ’’اسرائیل مردہ باد‘‘ کے اجتماعات ہوں گے۔

یہ بھی پڑھیں: شہنشاہ غزل مہدی حسن کو خراج تحسین پیش کرنے کے لیے عجمان میں میوزیکل نائٹ کا انعقاد

صوبوں کے مفادات کا تحفظ

جے یو آئی نے پنجاب میں نہریں نکالے جانے کے معاملے میں اپنی سندھ تنظیم کے موقف کی تائید کا فیصلہ کیا ہے اور طے کیا ہے کہ پارٹی کی مرکزی تنظیم اس بارے میں کوئی راہ عمل اختیار نہیں کرے گی۔ منرلز اور مائنز کے قانون کے سلسلے میں جمعیت علمائے اسلام صوبوں کے آئینی مفادات کا تحفظ کرے گی۔

مولانا فضل الرحمان کا ملاقات کا پروگرام

دوسری جانب سربراہ جے یو آئی ف مولانا فضل الرحمان کا امیر جماعت اسلامی حافظ نعیم الرحمان سے ٹیلیفونک رابطہ ہوا ہے۔ آج مولانا فضل الرحمان منصورہ میں حافظ نعیم الرحمان سے ملاقات کریں گے اور بعد ازاں دونوں رہنما میڈیا سے بھی گفتگو کریں گے。