جے یو آئی (ف) کا کینالز معاملے پر تحریک کو تیز کرنے کا فیصلہ

جے یو آئی (ف) کا احتجاجی منصوبہ

سکھر (ڈیلی پاکستان آن لائن) - جے یو آئی (ف) نے کینالز کے معاملے پر احتجاج کو مزید تیز کرنے کا فیصلہ کیا ہے۔

یہ بھی پڑھیں: پاک بھارت کشیدگی: سکردو اور گلگت کی تمام پروازیں منسوخ

جلسے اور دھرنے

نجی ٹی وی جیو نیوز کے مطابق رہنما جے یو آئی (ف) مولانا راشد سومرو نے کہا کہ 24، 25 اور 26 اپریل کو جلسے کرکے سندھ پنجاب بارڈر بلاک کریں گے۔ راشد محمود سومرو نے وفاقی حکومت سے کینالز کا فیصلہ واپس لینے کا مطالبہ کیا اور کہا کہ تحریک کے اگلے مرحلے میں کندھ کوٹ، گھوٹکی، اور سکھر میں دھرنے ہوں گے۔

یہ بھی پڑھیں: کوئٹہ ریلوے اسٹیشن دھماکے میں شہید افراد کی نماز جنازہ ، آرمی چیف کی شرکت

ایڈوکیٹس کا دھرنا

دوسری جانب دریائے سندھ سے نہریں نکالنے کے مجوزہ منصوبے کے خلاف سکھر ببرلو بائی پاس پر وکیلوں کا دھرنا چوتھے روز میں داخل ہوگیا۔

یہ بھی پڑھیں: 1. محرم الحرام کے مرکزی جلوس کے لیے سیکیورٹی کے سخت انتظامات، راستے سیل

کراچی بار کا رد عمل

علاوہ ازیں، کراچی بار نے گزشتہ روز مبینہ فائرنگ کے واقعے پر جوڈیشل انکوائری کا مطالبہ کیا جبکہ سندھ بار کونسل نے آج سے سندھ بھر میں غیر معینہ مدت کے لیے عدالتی کارروائی کے بائیکاٹ کا اعلان کیا ہے۔

ہڑتال اور بندشیں

مجوزہ کینالز کے خلاف حیدر آباد اور لاڑکانہ سمیت سندھ کے متعدد شہروں میں شٹر ڈاؤن ہڑتال رہی جبکہ خیرپور میں ریلوے ٹریک کو بھی بند کیا گیا، جسے پولیس اور رینجرز نے بعد ازاں کھلوا دیا۔