ارسا نے پنجاب اور سندھ کے لیے پانی کی فراہمی میں اضافہ کر دیا

بارشوں کے باعث پانی کی سطح میں بہتری

لاہور(ڈیلی پاکستان آن لائن) ملک میں حالیہ بارشوں کے باعث پانی کی سطح میں بہتری آنے لگی، ارسا نے پنجاب اور سندھ کے لیے پانی کی فراہمی بڑھا دی۔

یہ بھی پڑھیں: دنیا کا سب سے بڑا پٹرول پمپ، ایک وقت میں 120 گاڑیاں فیول بھرواسکتی ہیں

پنجاب اور سندھ کے لیے پانی کی فراہمی میں اضافہ

نجی ٹی وی چینل دنیا نیوز کے مطابق ارسا کے ترجمان کا کہنا ہے کہ پنجاب کو پانی کی فراہمی 23 ہزار 800 کیوسک بڑھا کر 64 ہزار 800 کیوسک کر دی گئی ہے، سندھ کو پانی کی فراہمی 10 ہزار کیوسک بڑھا کر 45 ہزار کیوسک کر دی ہے۔

دیگر صوبوں کے لیے پانی کی فراہمی کی تفصیلات

ترجمان نے مزید بتایا ہے کہ بلوچستان کو پانی کی فراہمی 500 کیوسک جبکہ کے پی کو 1900 کیوسک ہے۔ خریف کے لیے پانی کی کمی کا تخمینہ 43 فیصد سے کم ہو کر 27 فیصد پر آ گیا ہے.