علامہ اقبالؒ کے فلسفے کو اپناتے ہوئے قومی یکجہتی کو فروغ دینا ہوگا: چیف ایگزیکٹو لیسکو انجینئر محمد رمضان بٹ

پیغام علامہ اقبالؒ کی برسی پر

لاہور (ڈیلی پاکستان آن لائن) چیف ایگزیکٹو لیسکو انجینئر محمد رمضان بٹ نے علامہ اقبالؒ کی برسی کے موقع پر اپنے پیغام میں کہا ہے کہ علامہ اقبالؒ نے اپنی شاعری کے ذریعے مسلمانان برصغیر میں آزادی کی اہمیت کا احساس جگایا۔ اقبال صرف شاعر ہی نہیں بلکہ ایک اہل بصیرت رہنما بھی تھے۔ انہوں نے برصغیر کے مسلمانوں کے لیے علیحٰدہ مملکت کا تصور پیش کیا، ہمیں ان کے فلسفے کو اپناتے ہوئے قومی یکجہتی کو فروغ دینا ہوگا۔

یہ بھی پڑھیں: 2025 کے دوران اصلاحات کا ریکارڈ بریک: 600 سے زائد اقدامات، توانائی سیکٹر سب سے آگے: پاکستان ریفارمز رپورٹ 2026 جاری

اقبال کے فلسفے کی ضرورت

انجینئر محمد رمضان بٹ کا کہنا تھا کہ ہمارے معاشرتی حالات اس بات کے متقاضی ہیں کہ قوم ایک مرتبہ پھر اقبال کے فلسفے کو اپنی زندگیوں کا حصہ بنائے۔ علامہ اقبالؒ کا خودی کا فلسفہ تمام افکار کا نچوڑ ہے جس پر عمل کرکے مسلمان دنیا میں اپنا کھویا ہوا مقام حاصل کرسکتے ہیں۔

ایسٹر کی مبارکباد

لاہور الیکٹرک سپلائی کمپنی کے چیف ایگزیکٹو انجینئر محمد رمضان بٹ نے ایسٹر کے موقع پر تمام مسیحی برادری خاص طور پر لیسکو کے مسیحی ملازمین کو مبارکباد بھی دی۔ اپنے پیغام میں انہوں نے کہا کہ ایسٹر کےپرمسرت موقع پر پاکستان اور دنیا بھر میں مقیم مسیحی برادری کو دلی مبارکباد پیش کرتا ہوں۔ ایسٹر کا تہوار ہمیں بے لوث محبت اور خدمت کا درس دیتا ہے۔ حضرت عیسیٰؑ اللہ کے برگزیدہ پیغمبروں میں سے ایک ہیں اور ان کی زندگی ہمیں انسانیت، انصاف، سچائی اور ہمدردی کا درس دیتی ہے۔