پی ایس ایل کا بہترین بولر بننا چاہتا ہوں: حسن علی

کراچی کنگز کے حسین علی کا عزم

کراچی (ڈیلی پاکستان آن لائن) پاکستان سپر لیگ (پی ایس ایل) 10 کی ٹیم کراچی کنگز میں شامل حسن علی کا کہنا ہے کہ وہ ٹورنامنٹ کا بہترین بولر بننا چاہتے ہیں لیکن اہم بات کنگز کو جتوانا ہے۔

یہ بھی پڑھیں: 100 برقی بسیں چین سے آج روانہ ہوں گی، مریم نواز

ذاتی کارکردگی پر اطمینان

نجی ٹی وی جیو نیوز کو دیے گئے انٹرویو میں حسن علی نے بتایا کہ وکٹیں مل رہی ہیں، اپنی ذاتی کارکردگی سے کافی مطمئن ہوں۔ این سی اے میں کافی محنت کی، پہلے نیشنل ٹی ٹوئنٹی اور اب پی ایس ایل میں مجھے محنت کا صلہ ملا۔

یہ بھی پڑھیں: پاکستان اسٹاک مارکیٹ میں زبردست تیزی، 100 انڈیکس 5878 پوائنٹ بلند

غذائی تبدیلیاں اور فٹنس

حسن علی نے اپنی ڈائٹ پر بات کرتے ہوئے بتایا کہ میں نے بولنگ میں کمی کو درست کیا ہے۔ کچھ چیزوں کو ری موڈیفائی کیا ہے، اپنی فٹنس، ڈائٹ اور انجری پر بھی کام کیا ہے۔ لیکن روٹی گینگ ختم نہیں کیا اور نہ ہوگا۔ ڈائٹ بہتر کرنے کے بعد اب میں کافی تروتازہ محسوس کررہا ہوں۔ دیر آئے درست آئے، اس بارے میں اہلیہ نے بھی مجھے کافی مدد کی۔

یہ بھی پڑھیں: گورنر خیبرپختونخوا کل صبح 9 بجے مخصوص نشستوں کا حلف لیں گے، الیکشن کمیشن

پی ایس ایل کا تجربہ

حسن علی کا کہنا تھا کہ پاکستان سپر لیگ میں میرا سفر کافی خوبصورت رہا ہے۔ ایک ایمرجنگ پلیئر کے طور پر پک ہونا، پھر فائنل جیتنا، یہ سب بہت یادگار ہے۔ اس لیگ نے پاکستان کے بہت سارے ٹیلنٹ کو گروم کیا ہے۔ میں ڈومیسٹک کھیل چکا تھا لیکن پی ایس ایل کے بعد میرے لیے انٹرنیشنل کھیلنا آسان تھا۔

یہ بھی پڑھیں: اقوام متحدہ کی سلامتی کونسل کا اجلاس، پاک بھارت کشیدگی پر غور

آگے کا سفر اور خواہشات

مجھے پی ایس ایل میں دنیا کے ٹاپ پلیئرز کے ساتھ کھیلنے کا موقع ملا ہے۔ انہوں نے مزید کہا کہ میرا کام پرفارمنس دینا ہے اور میری خواہش یہ ہے کہ دوبارہ پاکستان کے لیے کھیلوں۔ میں ابھی 30 سال کا ہوں، ابھی بہت کرکٹ باقی ہے۔

ٹیم کی کامیابی پہلے، ذاتی اہداف بعد میں

حسن علی نے کہا کہ میرے لیے ذاتی اہداف سے اہم ٹیم کو جتوانا ہے۔ ٹورنامنٹ کا بہترین بولر بننا چاہتا ہوں لیکن اہم بات کنگز کو جتوانا ہے۔ جب آپ بیسٹ بولر بنتے ہیں تو سب کی توجہ آپ پر ہوتی ہے۔ وارنر کی کپتانی میں بہت کچھ سیکھنے کو ملتا ہے۔ اگر کسی نے مستقبل میں سمجھا کہ میں کپتانی کرسکتا ہوں تو بخوشی اس ذمہ داری کو قبول کروں گا۔