پنجاب کی پہلی اسمارٹ ماحولیاتی تحفظ فورس کا باقاعدہ آغاز

وزیر اعلی مریم نواز کا اعلان

لاہور (ڈیلی پاکستان آن لائن) وزیر اعلی مریم نواز نے سماجی رابطے کی ویب سائٹ "ایکس" پر اپنے پیغام میں کہا کہ پنجاب نے پاکستان کی پہلی SMART ماحولیاتی تحفظ فورس کا باقاعدہ آغاز کر دیا ہے۔

یہ بھی پڑھیں: اماراتی شیخ نے 1855 میں جاری ہونے والا برطانیہ کا تاریخی اخبار ٹیلی گراف خریدنے کا معاہدہ کرلیا

ماحولیاتی بہتری کا سنگ میل

وزیراعلیٰ مریم نواز نے کہا کہ انوائرمنٹ پرٹیکشن فورس کا قیام پنجاب کی ماحولیاتی بہتری کے سفر میں ایک سنگ میل کی مانند ہے۔ پاکستان کی پہلی SMART ماحولیاتی تحفظ فورس کا آغاز ایک صاف اور سبز مستقبل کی طرف ایک جرأت مندانہ قدم ہے۔ سمارٹ فورس کو ڈرون نگرانی، رئیل ٹائم (AQI) مانیٹرز، موبائل لیبز مہیا کی گئی ہیں۔

یہ بھی پڑھیں: نوجوانوں کو تعلیم، تربیت اور ہنر مندی کے بہترین مواقع فراہم کرنا اولین ترجیحات میں شامل ہے: وزیر اعظم

خصوصی سکواڈز کا قیام

وزیراعلیٰ مریم نواز نے کہا کہ انڈسٹری، پانی، پلاسٹک، زراعت، ٹرانسپورٹ اور ایندھن کی فیلڈز کے لیے خصوصی سکواڈز قائم کیے گئے۔ سمارٹ انوائرمنٹ فورس فوری ردعمل، درست نفاذ اور ہوا کی معیار میں مستقل بہتری کے لیے پرعزم ہے۔

یہ بھی پڑھیں: سعودی عرب میں گھریلو ملازمین سے بھرتی اور ورک پرمٹ فیس وصول کرنے پر پابندی عائد کر دی گئی

مضبوط ادارتی ریفارمز کی ضرورت

میرے وژن کو حقیقت میں بدلنے پر وزیر ماحولیات، سیکریٹری ای پی ڈی، ڈی جی ای پی اے اور ان کی ٹیم کو مبارکباد دیتی ہوں۔ ماحول کے تحفظ کے مشن کے لیے مضبوط ادارہ جاتی ریفارمز، تمام سٹیک ہولڈرز اور ہر شہری کی فعال شرکت ضروری ہے۔

ہماری مشترکہ ذمہ داری

وزیراعلیٰ مریم نواز نے کہا کہ ہم سب مل کر اپنے ماحول کی ذمہ داری لیں اور اس حل کا حصہ بنیں۔