وزیر مذہبی امور نے پاکستانی عازمین حج کو بڑی خوش خبری سنادی

اسلام آباد (ڈیلی پاکستان آن لائن) وفاقی وزیر مذہبی امور سردار یوسف نے رواں سال حج کے لئے جانے والے پاکستانیوں کے لئے بڑی خوش خبری سنائی۔

بہتر انتظامات کا وعدہ

نجی ٹی وی ایکسپریس نیوز کے مطابق پاکستان سے سرکاری سکیم کے تحت فریضہ حج کے لئے جانے والے عازمین ہمیشہ ناقص انتظامات اور عدم تعاون کی شکایات کرتے رہے ہیں۔ تاہم اس بار وفاقی وزیر مذہبی امور نے دعویٰ کیا ہے کہ ہمارے حاجی وی وی آئی پی کی طرح حج کریں گے۔

حج کانفرنس میں خطاب

وفاقی دارالحکومت میں سالانہ حج کانفرنس سے خطاب کرتے ہوئے سردار یوسف نے کہا کہ وزارت مذہبی امور کمرشل وزارت نہیں ہے، ہمارا مقصد نظریہ پاکستان و اسلام ہے۔

انہوں نے کہا کہ حج کے حوالے سے بڑی پریشانی ہے۔ پچھلے دور میں جب ذمہ داری سنبھالی گئی تو 2013ء میں 5 ہزار رہ گیا، مگر اس کے بعد 2016ء تک ہمارے پاس 5 لاکھ تک درخواستیں موصول ہوئیں، جس کی وجہ کم پیکیج و اچھے انتظامات تھے۔

سعودی حکام کے ساتھ تعاون

سردار یوسف نے اعلان کیا کہ اس بار ہمارے حاجی وی وی آئی پی کی طرح حج کریں گے کیونکہ سعودی حکام کی طرف سے مساوی انتظامات ہیں۔ حکومت پاکستان کی جانب سے بھی اب ہم کوئی کمی کوتاہی نہیں برتیں گے۔

سعودی عرب میں عازمین کی تعداد

وفاقی وزیر کا کہنا تھا کہ وہ ایک ماہ قبل ہی وزارت مذہبی امور کا منصب سنبھال چکے ہیں۔ وزیر اعظم نے انہیں اچھا حج کرانے کی ذمہ داری دی ہے۔ انہوں نے خود سعودی عرب جا کر انتظامات کا جائزہ لیا ہے اور یہ جانا ہے کہ کافی بڑی تعداد میں عازمین حج ہیں۔

کوٹہ کی بحالی کی کوششیں

انہوں نے مزید کہا کہ انہوں نے اور علامہ طاہر اشرفی نے 67 ہزار عازمین کا حج کوٹہ بحال کرانے کی کوشش کی۔ وزیر خارجہ اسحق ڈار نے بھی کوشش کی۔ سعودی وزیر حج کی کوششوں سے پاکستان کو 10 ہزار حاجیوں کا کوٹہ مل گیا۔

سعودی عرب نے ایک لاکھ 2 حج کوٹہ کا بتایا۔ میں نے سعودی حکومت سے درخواست کی کہ ہمدردی سے تمام پاکستانیوں کے لیے غور کریں، جس پر سعودی حکومت نے 10 ہزار عازمین کی اجازت دی۔ یہ 10 ہزار کوٹہ اسی پرائیویٹ حج سے ہوا ہے۔ کچھ لوگ اضافی حج کوٹہ کی بات کر رہے ہیں جو درست نہیں۔