چار قتل کرنے والے قیدی نے اپنی بیوی کو جیل میں ازدواجی ملاقات کے دوران قتل کر دیا

ملاقات کے دوران ہلاکت

واشنگٹن (ڈیلی پاکستان آن لائن) باسٹھ سالہ سٹیفنی ڈویلز نومبر 2023 میں کیلیفورنیا کے مول کریک سٹیٹ جیل میں اپنے شوہر ڈیوڈ برنسن سے ازدواجی ملاقات کے لیے گئی تھیں جہاں قیدی نے ان کا گلا گھونٹ کر انہیں ہلاک کر دیا۔ برنسن 1990 میں چار افراد کے قتل کے الزام میں متعدد عمر قید کی سزائیں کاٹ رہا ہے۔

یہ بھی پڑھیں: محکمہ تعلیم (پیکٹا) کی 4 روزہ انٹرنیشنل ورکشاپ ختم، بین الاقوامی ماہرین تعلیم کی شرکت، گلوبل سٹیزن شپ ان ایجوکیشن پر ٹریننگ دی۔

واقعے کی تفصیلات

دی مرر کے مطابق واقعے کے وقت برنسن نے گارڈز کو بتایا کہ سٹیفنی بے ہوش ہو گئی ہیں، لیکن بعد میں امادور کاؤنٹی کورونر نے ان کی موت کو قتل قرار دے دیا۔ سٹیفنی کے 28 سالہ بیٹے آرمنڈ ٹورس نے کہا کہ "ہم جاننا چاہتے ہیں کہ اتنی سنگین تاریخ رکھنے والے قیدی کے ساتھ انہیں اکیلا کیسے چھوڑ دیا گیا؟"

محکمہ جیل کی پالیسی

کیلیفورنیا کے محکمہ جیل خانہ جات کے مطابق ازدواجی ملاقاتوں کے لیے قیدیوں کو سخت معیارات پر پورا اترنا ہوتا ہے۔ سٹیفنی گزشتہ ایک سال میں جیل میں ازدواجی ملاقات کے دوران ہلاک ہونے والی دوسری شخص ہیں۔ جنسی جرائم یا موت کی سزا پانے والے قیدیوں کو ازدواجی ملاقات کی اجازت نہیں ہوتی۔