غیر تربیت یافتہ شخص کے ہاتھوں کاسمیٹک سرجری، 2 بچوں کی ماں زندگی کی بازی ہار گئی

دردناک واقعہ نیویارک میں

نیویارک (ڈیلی پاکستان آن لائن) امریکہ کی ریاست نیویارک کے علاقے کوئنز میں ایک افسوسناک واقعہ پیش آیا جہاں ایک غیر تربیت یافتہ شخص کے ہاتھوں کی گئی کاسمیٹک سرجری کے نتیجے میں 31 سالہ خاتون ماریا پینالوزا کابررا چل بسیں۔ خاتون کا تعلق کولمبیا سے تھا اور وہ دو بچوں کی ماں تھیں۔

یہ بھی پڑھیں: پنجاب: فصلوں کی باقیات جلانے والے 17 افراد گرفتار، لاکھوں کے جرمانے، 234 گاڑیوں کے چالان ، 72 بند

سرجری کا المناک انجام

نیوز 18 کے مطابق یہ واقعہ 28 مارچ کو اس وقت پیش آیا جب ماریا نے اپنے گھر پر ایک شخص سے امپلانٹ ریموول کی سرجری کروائی۔ سرجری کے دوران غیر تربیت یافتہ شخص 38 سالہ فلیپے ہوایوس فورونڈا نے لائڈوکین نامی دوا کا غلط طریقے سے استعمال کیا، جس کے باعث خاتون کو دل کا دورہ پڑا اور وہ بے ہوش ہو گئیں۔

یہ بھی پڑھیں: ضلع خیبر میں پولیس سٹیشن پر دہشتگردوں کا حملہ، ایک اہلکار شہید

فوری طبی امداد

خاتون کو فوری طور پر ہسپتال منتقل کیا گیا، جہاں ڈاکٹروں نے تقریباً ڈھائی گھنٹے تک انہیں بچانے کی کوشش کی، تاہم وہ دماغی طور پر مردہ قرار دی گئیں اور کئی روز تک لائف سپورٹ پر رہنے کے بعد 11 اپریل کو چل بسیں۔ ماریا کی بہن کے مطابق، وہ ایک دوست کے مشورے پر سرجری کے لیے گئی تھیں۔ دوست نے بتایا تھا کہ وہ خود بھی اسی شخص سے کاسمیٹک پروسیجر کروا چکی ہے اور اس کا تجربہ ٹھیک رہا تھا۔

قانونی کارروائی اور تحقیقات

پولیس کا کہنا ہے کہ فلیپے ہوایوس فورونڈا کسی بھی میڈیکل لائسنس کے بغیر کام کر رہا تھا۔ اسے جان ایف کینیڈی ایئرپورٹ سے اس وقت گرفتار کر لیا گیا جب وہ کولمبیا فرار ہونے کی کوشش کر رہا تھا۔ اس پر بغیر اجازت پریکٹس کرنے اور دوسرے درجے کے حملے کے الزامات عائد کیے گئے ہیں۔ تحقیقات جاری ہیں اور عدالتی کارروائی کے دوران ممکنہ طور پر الزامات میں مزید اضافہ بھی ہو سکتا ہے۔