ورک ویزا پر سعودی عرب جاتے ہوئے 2 افراد کراچی ایئرپورٹ پر گرفتار

سعودی عرب جانے والے مسافروں کی گرفتاری

کراچی (ویب ڈیسک) ورک ویزوں پر سعودی عرب جاتے ہوئے ڈرائیونگ لائسنس جعلی ہونے پر 2 مسافروں کو آف لوڈ کرکے گرفتار کر لیا گیا۔

یہ بھی پڑھیں: حکومت نے 27ویں آئینی ترمیم پر عمل درآمد کے لیے تیاریاں شروع کردیں

امداد گزاریاں

امیگریشن ذرائع کے مطابق مسافر محمد شہباز اور محمد عمر ڈرائیورز کے ورک ویزوں پر سعودیہ جا رہے تھے۔ کراچی ائیرپورٹ پر امیگریشن کے دوران دونوں کے ایل ٹی وی/ ایچ ٹی وی ڈرائیونگ لائسنس جعلی نکلے جو سندھ پولیس کی ڈرائیونگ لائسنس کلفٹن برانچ سے جاری شدہ ظاہر کیے گئے تھے۔

یہ بھی پڑھیں: آرمی چیف جنرل عاصم منیر سے ایرانی وزیر خارجہ عباس عراقچی کی ملاقات

تحقیقات کا آغاز

حکام کے مطابق پوچھ گچھ کے دوران پتہ چلا کہ دونوں مسافر ڈرائیونگ لائسنس کے حصول کیلئے کبھی بھی ڈرائیونگ لائسنس برانچ نہیں گئے۔ جیونیوز کے مطابق حکام کا کہنا ہے کہ ریکارڈ چیک کرنے پر لائسنس جعلی نکلے۔ تفتیش پر پتہ چلا کہ مسافروں نے ڈرائیونگ لائسنس مقامی ایجنٹوں ثنااللہ اور شہباز سے بالترتیب 6 اور ساڑھے 7 لاکھ روپے میں حاصل کیے تھے۔

قانونی کارروائی

دونوں مسافروں کے سعودیہ کے ورک ویزوں پر اصلی پروٹیکٹر بھی لگوائے گئے تھے۔ امیگریشن نے سجاول اور فیصل آباد سے تعلق رکھنے والے دونوں مسافروں کو گرفتار کرکے انسداد انسانی سمگلنگ سرکل منتقل کر دیا گیا۔ مسافروں کے خلاف مزید قانونی کارروائی کی جارہی ہے۔