آئی ایم ایف نے پاکستان کی معاشی شرح نمو پیشگوئی کم کر کے 2.6 فیصد کر دی

معاشی شرح نمو کی پیش گوئی میں تبدیلی

اسلام آباد(ڈیلی پاکستان آن لائن) عالمی مالیاتی ادارے (آئی ایم ایف) نے پاکستان کی معاشی شرح نمو کی پیش گوئی کم کر کے 2.6 فیصد کر دی۔

یہ بھی پڑھیں: چیف جسٹس اسلام آباد ہائیکورٹ عامر فاروق کی عدالت کی کاز لسٹ منسوخ

عالمی اقتصادی نمو میں غیر یقینی صورتحال

نجی ٹی وی چینل دنیا نیوز کے مطابق، آئی ایم ایف نے امریکی صدر ڈونلڈ ٹرمپ کے تجارتی ٹیرف کے اقدامات کی وجہ سے پیدا ہونے والی غیر یقینی صورتحال کی بنا پر عالمی اقتصادی نمو میں بھی تبدیلی کی ہے۔

یہ بھی پڑھیں: ہیوی ڈرائیونگ لائسنس کے لیے 30 گھنٹے کی تربیت لازمی قرار، کابینہ نے فیصلہ کرلیا

آئی ایم ایف کی ورلڈ اکنامک آؤٹ لک رپورٹ

عالمی مالیاتی ادارے کی ورلڈ اکنامک آؤٹ لک رپورٹ کے مطابق، آئی ایم ایف نے پاکستان کی معاشی شرح نمو کا تخمینہ 3 فیصد سے کم کر کے 2.6 فیصد کر دیا ہے۔ آئندہ مالی سال کے لئے بھی پاکستان کی معاشی شرح نمو میں کمی کا تخمینہ لگایا گیا ہے۔

یہ بھی پڑھیں: عظمٰی بخاری نے تحریک انصاف کی جانب سے مردہ قرار دیئے جانیوالے شخص کی ویڈیو شیئر کر دی

پچھلی پیش گوئیاں

جنوری 2025 میں، آئی ایم ایف نے پاکستانی معیشت کی شرح نمو کا تخمینہ 3 فیصد لگایا تھا جبکہ اکتوبر 2024 میں یہ 3.2 فیصد تھا۔ تاہم، رواں مالی سال پاکستان کے معاشی شرح نمو کا مقررہ ہدف حاصل نہ ہونے کا خدشہ ہے۔

یہ بھی پڑھیں: انڈیا کا دفاعی ادارہ جو خصوصی جوتے سے لے کر ہائپرسونک میزائل تک تیار کرتا ہے

کرنٹ اکاؤنٹ خسارے میں کمی

علاوہ ازیں، ایک اور مثبت پیشرفت یہ ہے کہ آئی ایم ایف نے پاکستان کے کرنٹ اکاؤنٹ خسارے کے تخمینے کو جی ڈی پی کے 1 فیصد سے کم کر کے 0.1 فیصد کر دیا ہے۔

خسارے کا تخمینہ

قبل ازیں، آئی ایم ایف کرنٹ اکاؤنٹ خسارہ 3.7 بلین ڈالر تک بڑھنے کی توقع کر رہا تھا، جسے اب 400 ملین ڈالر تک کم کر دیا گیا ہے۔ آئی ایم ایف نے کہا ہے کہ اگلے مالی سال بھی کرنٹ اکاؤنٹ خسارہ جی ڈی پی کے 0.4 فیصد رہنے کی توقع ہے۔