تعلیمی اداروں میں داخلے سے قبل تھلیسیمیا سمیت جینیٹک امراض کے ٹیسٹ لازمی قرار

تھیلیسیمیا اور جینیٹک امراض کا لازمی ٹیسٹ

لاہور (ڈیلی پاکستان آن لائن) پنجاب بھر کے تعلیمی اداروں میں داخلے سے قبل طلبہ کا تھیلیسیمیا سمیت جینیٹک امراض کا ٹیسٹ لازمی قرار دیا گیا۔

یہ بھی پڑھیں: محمد رضوان سے کپتانی واپس لیے جانے کا امکان، نجی نیوز چینل کا دعویٰ

تھیلیسیمیا پریوینشن ایکٹ 2025ء

نجی ٹی وی سما نیوز کے مطابق پنجاب اسمبلی نے جینیٹک امراض کی روک تھام کیلئے تھیلیسیمیا پریوینشن ایکٹ 2025ء منظور کر لیا ہے۔ پنجاب کے تعلیمی اداروں میں داخلے کے وقت طلباء کا تھیلیسیمیا سمیت جینیٹک امراض کا ٹیسٹ لازمی قرار دیا گیا ہے۔

یہ بھی پڑھیں: سینیٹ کی قائمہ کمیٹی کا کرپٹو کونسل پر تحفظات کا اظہار، سوالات اٹھا دیئے

قانونی نوعیت اور ایڈوائزری کونسل

متن میں کہا گیا ہے کہ قانون کے مطابق ایڈوائزری کونسل تشکیل دی جائے گی، بیماریوں کی بروقت تشخیص اور مینجمنٹ مستقبل میں اس کے طبی و معاشی بوجھ کو کم کرنے کی کوشش کرے گی۔

یہ بھی پڑھیں: پی ایس ایل: کراچی کنگز نے متبادل کھلاڑیوں کا اعلان کردیا

ٹیسٹ رپورٹس کا جمع کروانا

ایکٹ میں مزید کہا گیا ہے کہ ٹیسٹ رپورٹس بورڈز کو داخلہ فارم کے ساتھ جمع کروانا ضروری ہوگا۔ پنجاب انفارمیشن ٹیکنالوجی بورڈ تمام ٹیسٹ رپورٹس کا ڈیٹا بیس بنائے گا۔

یہ بھی پڑھیں: وزیراعظم شہباز شریف کی وزیر مملکت چوہدری ارمغان سبحانی کی رہائشگاہ آمد، والدہ کے انتقال پر اظہار تعزیت

سزائیں اور حفاظتی تدابیر

متن کے مطابق ان خفیہ معلومات کو غیرمجاز اشخاص سے شیئر کرنے پر سزائیں ہوں گی۔ لیبارٹریز 10 دن کے اندر ٹیسٹ رپورٹس پی آئی ٹی بی کو بھیجیں گی، جبکہ جعلی رپورٹس تیار کرنے والے نجی لیبارٹریز کے ملازمین کے خلاف پاکستان پینل کوڈ کے تحت مقدمہ درج کیا جائے گا۔

مفاد عامہ کے اقدامات

متن میں مزید کہا گیا ہے کہ نادرا کے ساتھ مریضوں کے خصوصی رجسٹریشن اور مالی امداد کا بندوبست بھی جلد متوقع ہے۔ حکومت غریب خاندانوں کیلئے مفت ٹیسٹنگ کا بندوبست کرے گی۔ بل حتمی منظوری کیلئے گورنر پنجاب کو پیش کیا جائے گا۔