وزیراعلیٰ مریم نواز کی زیر صدارت کابینہ اجلاس، کاشتکاروں کے لیے اہم فیصلے، راشن کارڈ کے ذریعے 10 ہزار روپے ماہانہ امداد کی تجویز پر اتفاق
اجلاس کا پس منظر
لاہور (ڈیلی پاکستان آن لائن) وزیر اعلیٰ پنجاب مریم نواز کی زیر صدارت صوبائی کابینہ کے 25 ویں اجلاس میں کاشتکاروں کے لیے اہم فیصلوں کی منظوری دی گئی۔ اجلاس میں صوبائی وزیر صہیب بھرتھ کے چچا اور رکن پنجاب اسمبلی ارشد وڑائچ کے انتقال پر اظہار افسوس اور فاتحہ خوانی کی گئی۔
یہ بھی پڑھیں: سلمان علی آغا نے بھارت سے میچ ہارنے کی وجہ بتا دی
کابینہ کی کامیاب کارروائیاں
صوبائی کابینہ نے وزیراعلیٰ مریم نواز کو ترکیہ کے کامیاب دورے پر مبارکباد پیش کی۔ کابینہ نے وزیراعلیٰ مریم نواز کی گرلز ایجوکیشن کے ویژن کو قابل تحسین قرار دیا۔ اجلاس میں فلور ملوں کے لیے 25 فیصد گندم خریداری یقینی بنانے کے لئے فوڈگرینز (لائسنسنگ کنٹرول) آرڈریننس، 1957ء میں ترمیم کی منظوری دی گئی جس کے تحت 25 فیصد لازمی گندم خریداری نہ کرنے والے فلور ملوں کے لائسنس منسوخ ہو سکیں گے۔
یہ بھی پڑھیں: آئی ٹی اور ای کامرس سروس سیکٹر کے وفد کا لاہور چیمبر آف کامرس کا دورہ
کاشتکاروں کے حقوق کا تحفظ
گندم کے کاشتکاروں کے حقوق کے تحفظ کے لیے ویٹ سیکٹر کی ڈی ریگولیشن کی منظوری دی گئی۔ (EWR) الیکٹرانک ویئر ہاؤس ریسیٹ سسٹم کے نفاذ کی تجویز کی منظوری دی گئی جس سے کاشتکار کو اپنی گندم سٹور کرنے کی سہولت ملے گی اورسٹوریج کے اخراجات حکومت برداشت کرے گی۔
یہ بھی پڑھیں: انتظامی مسائل کے باعث 3 پروازیں منسوخ، 17 تاخیر کا شکار
راشن کارڈ منصوبہ
کابینہ اجلاس میں 15 لاکھ کارکنوں، مزدوروں اور ورکرز کے لیے پاکستان کا سب سے بڑا راشن کارڈ متعارف کرانے کا اصولی فیصلہ کیا گیا۔ ورکرز کو راشن کارڈ کے ذریعے 10 ہزار روپے ماہانہ امداد کی تجویز پر اتفاق کیا گیا۔
یہ بھی پڑھیں: قربانی کا جذبہ قومی یکجہتی کی بنیاد ہے، ہم سب کو محروم طبقات کو یاد رکھنا چاہیے:وزیراعلیٰ بلوچستان
زرعی تحقیق اور ترقیاتی اقدامات
وزیر اعلیٰ مریم نواز کی کاوشوں سے پنجاب میں چاول کے کاشتکاروں کے لیے بھی اہم فیصلے کیے گئے۔ کابینہ نے رائس ریسرچ انسٹیٹیوٹ، انہوئی اکیڈمی آف ایگریکلچرل سائنسز، چین اور ایوب ایگریکلچرل ریسرچ انسٹیٹیوٹ فیصل آباد کے درمیان ایم او یو (MoU) کی منظوری دی۔ چین کا ادارہ پنجاب میں چاول کا ہائیبرڈ سیڈ متعارف کرانے کے لیے معاونت کرے گا۔
یہ بھی پڑھیں: لاہور پریس کلب کے صدر ارشد انصاری اور جیو، دنیا سمیت لاہور کے سینئر کرائم رپورٹرز کو NCCIA کا نوٹس جاری، یاسر شامی
پنجاب کی ترقی کے نئے منصوبے
وزیراعلیٰ مریم نواز نے کہا کہ زرعی تحقیق کا فائدہ براہ راست کاشتکار کو پہنچنا چاہیے۔ اجلاس میں چلڈرن لائبریری کمپلیکس لاہور کے قواعد و ضوابط میں ترمیم کی منظوری دی گئی۔
یہ بھی پڑھیں: انگلش کرکٹ ٹیم کے کپتان بین سٹوکس نے آئی سی سی کو جرمانہ دینے سے صاف انکار کردیا
ماحولیاتی اقدامات
کابینہ نے پنجاب کے مختلف شہروں میں ماحول دوست الیکٹرک بسیں چلانے کی منظوری دی۔ وزیراعلیٰ مریم نواز نے راجن پور میں بھی الیکٹرک بس سروس شروع کرنے کا حکم دیا۔
یہ بھی پڑھیں: زمبابوے نے پاکستان کرکٹ بورڈ کی دعوت فوراً قبول کرلی، افغانستان کے انکار کے بعد ٹرائی نیشن سیریز میں حصہ لینے کے لیے
نئے معیاری نظام
اجلاس میں وزیر اعلیٰ مریم نواز کے وژن T-30 کے تحت فیصل آباد میں ماس ٹرانزٹ سسٹم کے فزیبلیٹی اسٹڈی کی منظوری دی گئی۔ لاہور میں ییلو، بلیو اور پرپل لائن کے ماس ٹرانزٹ سسٹمز کی فزیبلیٹی سٹڈیز بھی منظور کی گئیں۔
یہ بھی پڑھیں: چیئرمین جوائنٹ چیفس آف اسٹاف کمیٹی سے تاجک چیف آف جنرل اسٹاف کی ملاقات
حفاظتی اقدامات اور اصلاحات
اجلاس میں پنجاب ایگریکلچر ریسرچ بورڈ (PARB) میں بھرتیوں پر پابندی میں نرمی کی منظوری دی گئی، اور پنجاب پبلک پرائیویٹ پارٹنرشپ اتھارٹی (P4A) میں بھرتیوں کی منظوری دی گئی۔
یہ بھی پڑھیں: کمیٹیاں نہ بھر پانے پر بیروزگار باپ نے دو کمسن بیٹیاں ذبح کر ڈالیں۔
کابینہ کے متفرق امور
اجلاس میں سوشل سیکیورٹی سکیم کے دائرہ کار کو وسیع کرنے کے لیے پنجاب ایمپلائیز سوشل سیکیورٹی آرڈیننس 1965ء میں مجوزہ ترامیم کی منظوری دی گئی۔ انتہاپسندی کے تدارک کے لیے "سینٹر آف ایکسی لینس" کے قیام سے متعلق مجوزہ بل کی منظوری دی گئی۔
آخری کارروائیاں
اجلاس میں صوبائی کابینہ کے 23ویں اور 24ویں اجلاس کے منٹس کی توثیق کی گئی۔ کابینہ کی قائمہ کمیٹی برائے قانون سازی و نجکاری کے 14ویں اور 15ویں اجلاسوں کے منٹس کی توثیق کی گئی۔
