وزیراعلیٰ مریم نواز کی زیر صدارت کابینہ اجلاس، کاشتکاروں کے لیے اہم فیصلے، راشن کارڈ کے ذریعے 10 ہزار روپے ماہانہ امداد کی تجویز پر اتفاق

اجلاس کا پس منظر

لاہور (ڈیلی پاکستان آن لائن) وزیر اعلیٰ پنجاب مریم نواز کی زیر صدارت صوبائی کابینہ کے 25 ویں اجلاس میں کاشتکاروں کے لیے اہم فیصلوں کی منظوری دی گئی۔ اجلاس میں صوبائی وزیر صہیب بھرتھ کے چچا اور رکن پنجاب اسمبلی ارشد وڑائچ کے انتقال پر اظہار افسوس اور فاتحہ خوانی کی گئی۔

یہ بھی پڑھیں: ضمنی الیکشن کے باعث 17 اپریل کو عام تعطیل کا اعلان

کابینہ کی کامیاب کارروائیاں

صوبائی کابینہ نے وزیراعلیٰ مریم نواز کو ترکیہ کے کامیاب دورے پر مبارکباد پیش کی۔ کابینہ نے وزیراعلیٰ مریم نواز کی گرلز ایجوکیشن کے ویژن کو قابل تحسین قرار دیا۔ اجلاس میں فلور ملوں کے لیے 25 فیصد گندم خریداری یقینی بنانے کے لئے فوڈگرینز (لائسنسنگ کنٹرول) آرڈریننس، 1957ء میں ترمیم کی منظوری دی گئی جس کے تحت 25 فیصد لازمی گندم خریداری نہ کرنے والے فلور ملوں کے لائسنس منسوخ ہو سکیں گے۔

یہ بھی پڑھیں: دہشتگردی سے متعلق قوانین کے حوالے سے بڑا فیصلہ کر لیا گیا

کاشتکاروں کے حقوق کا تحفظ

گندم کے کاشتکاروں کے حقوق کے تحفظ کے لیے ویٹ سیکٹر کی ڈی ریگولیشن کی منظوری دی گئی۔ (EWR) الیکٹرانک ویئر ہاؤس ریسیٹ سسٹم کے نفاذ کی تجویز کی منظوری دی گئی جس سے کاشتکار کو اپنی گندم سٹور کرنے کی سہولت ملے گی اورسٹوریج کے اخراجات حکومت برداشت کرے گی۔

یہ بھی پڑھیں: امریکہ کے صدارتی انتخابات 2024 کے نتائج

راشن کارڈ منصوبہ

کابینہ اجلاس میں 15 لاکھ کارکنوں، مزدوروں اور ورکرز کے لیے پاکستان کا سب سے بڑا راشن کارڈ متعارف کرانے کا اصولی فیصلہ کیا گیا۔ ورکرز کو راشن کارڈ کے ذریعے 10 ہزار روپے ماہانہ امداد کی تجویز پر اتفاق کیا گیا۔

یہ بھی پڑھیں: یہ پالیسی فیصلہ بھی کر لیں سول نظام ناکام ہو چکا، سب کیسز فوجی عدالت بھیج دیں: آئینی بنچ

زرعی تحقیق اور ترقیاتی اقدامات

وزیر اعلیٰ مریم نواز کی کاوشوں سے پنجاب میں چاول کے کاشتکاروں کے لیے بھی اہم فیصلے کیے گئے۔ کابینہ نے رائس ریسرچ انسٹیٹیوٹ، انہوئی اکیڈمی آف ایگریکلچرل سائنسز، چین اور ایوب ایگریکلچرل ریسرچ انسٹیٹیوٹ فیصل آباد کے درمیان ایم او یو (MoU) کی منظوری دی۔ چین کا ادارہ پنجاب میں چاول کا ہائیبرڈ سیڈ متعارف کرانے کے لیے معاونت کرے گا۔

یہ بھی پڑھیں: چینی بحران، کریانہ ایسوسی ایشن کا پنجاب بھر میں چینی کی فروخت بند کرنے کا اعلان

پنجاب کی ترقی کے نئے منصوبے

وزیراعلیٰ مریم نواز نے کہا کہ زرعی تحقیق کا فائدہ براہ راست کاشتکار کو پہنچنا چاہیے۔ اجلاس میں چلڈرن لائبریری کمپلیکس لاہور کے قواعد و ضوابط میں ترمیم کی منظوری دی گئی۔

یہ بھی پڑھیں: ٹرمپ کے ٹیرف کے 5 بڑے اہداف کیا تھے اور کیا وہ پورے ہوئے؟

ماحولیاتی اقدامات

کابینہ نے پنجاب کے مختلف شہروں میں ماحول دوست الیکٹرک بسیں چلانے کی منظوری دی۔ وزیراعلیٰ مریم نواز نے راجن پور میں بھی الیکٹرک بس سروس شروع کرنے کا حکم دیا۔

یہ بھی پڑھیں: اسرائیل ایران جنگ: سلامتی کونسل کا اہم اجلاس طلب

نئے معیاری نظام

اجلاس میں وزیر اعلیٰ مریم نواز کے وژن T-30 کے تحت فیصل آباد میں ماس ٹرانزٹ سسٹم کے فزیبلیٹی اسٹڈی کی منظوری دی گئی۔ لاہور میں ییلو، بلیو اور پرپل لائن کے ماس ٹرانزٹ سسٹمز کی فزیبلیٹی سٹڈیز بھی منظور کی گئیں۔

یہ بھی پڑھیں: کشمور سے نکلنے والی پٹری پہلے میانوالی تک جاتی تھی ایک طرف ہرے بھرے کھیت کھلیان اور بڑے بڑے باغات تو دوسری طرف خوفناک صحرائی علاقے

حفاظتی اقدامات اور اصلاحات

اجلاس میں پنجاب ایگریکلچر ریسرچ بورڈ (PARB) میں بھرتیوں پر پابندی میں نرمی کی منظوری دی گئی، اور پنجاب پبلک پرائیویٹ پارٹنرشپ اتھارٹی (P4A) میں بھرتیوں کی منظوری دی گئی۔

یہ بھی پڑھیں: وزیر اعلیٰ پنجاب کی راولپنڈی اسلام آباد سپورٹس جرنلسٹس ایسوسی ایشن کے نئے عہدیداران کو مبارکباد

کابینہ کے متفرق امور

اجلاس میں سوشل سیکیورٹی سکیم کے دائرہ کار کو وسیع کرنے کے لیے پنجاب ایمپلائیز سوشل سیکیورٹی آرڈیننس 1965ء میں مجوزہ ترامیم کی منظوری دی گئی۔ انتہاپسندی کے تدارک کے لیے "سینٹر آف ایکسی لینس" کے قیام سے متعلق مجوزہ بل کی منظوری دی گئی۔

آخری کارروائیاں

اجلاس میں صوبائی کابینہ کے 23ویں اور 24ویں اجلاس کے منٹس کی توثیق کی گئی۔ کابینہ کی قائمہ کمیٹی برائے قانون سازی و نجکاری کے 14ویں اور 15ویں اجلاسوں کے منٹس کی توثیق کی گئی۔