بھارتی اقدامات کا جواب دینے کے لیے قومی سلامتی کمیٹی کا اہم اجلاس آج ہوگا

قومی سلامتی کمیٹی کا اجلاس طلب

اسلام آباد(ڈیلی پاکستان آن لائن) مقبوضہ کشمیر کے علاقے پہلگام میں ہونے والے حملے اور 27 سیاحوں کی ہلاکت کے بعد، بھارت کی جانب سے اُٹھائے گئے اقدامات پر وزیراعظم شہباز شریف نے قومی سلامتی کمیٹی کا اہم اجلاس آج طلب کر لیا۔

یہ بھی پڑھیں: کراچی سمیت صوبہ سندھ میں آج بھی موسم گرم اور خشک رہنے کا امکان

اجلاس کی تفصیلات

نجی ٹی وی چینل دنیا نیوز کے مطابق، وزیراعظم شہباز شریف کی زیر صدارت ہونے والے قومی سلامتی کمیٹی کے اجلاس میں اعلیٰ سول و عسکری قیادت شرکت کرے گی۔

یہ بھی پڑھیں: لیونل میسی کا دورہ بھارت منتظمین کو 100 کروڑ روپے میں پڑنے کا انکشاف

حالیہ صورتحال پر غور

ذرائع کے مطابق، اجلاس میں پہلگام فالس فلیگ کے بعد کی ملکی داخلی و خارجی صورتحال پر غور کیا جائے گا۔ قومی سلامتی کمیٹی عجلت میں اُٹھائے گئے بھارتی ناقابل عمل آبی اقدامات کا جواب دینے کا بھی جائزہ لے گی۔

یہ بھی پڑھیں: پاک، چین شراکت داری نئے دور میں داخل ہو چکی،سی پیک نے ترقیاتی منظرنامے کو بدل دیا ہے : احسن اقبال

بھارت کے اقدامات

خیال رہے کہ گزشتہ روز بھارت نے مقبوضہ کشمیر کے علاقے پہلگام میں ہونے والے حملے کا بہانہ بناتے ہوئے پاکستان سے سندھ طاس معاہدہ معطل کرنے اور اٹاری چیک پوسٹ بند کرنے کا اعلان کیا ہے۔

یہ بھی پڑھیں: وزیراعلیٰ پنجاب مریم نواز نے واہگہ بارڈر لاہور پر تعمیر کئے گئے ارینا کا افتتاح کردیا

ویزوں کی معطلی کا فیصلہ

بھارتی وزیراعظم مودی کی زیر صدارت کابینہ اجلاس کے بعد بھارت نے پاکستانیوں کو سارک کے تحت ویزے بند کرنے کا بھی فیصلہ کیا ہے۔ بھارتی وزارت خارجہ کے ترجمان نے پریس کانفرنس میں اعلان کیا کہ تمام پاکستانیوں کے بھارتی ویزے کینسل کئے جا رہے ہیں۔

پاکستانیوں کے لئے ہدایت

بھارت میں موجود پاکستانیوں کو 48 گھنٹوں میں ملک چھوڑنے کا بھی حکم دیا گیا ہے۔