مشہور اداکارہ نے ویٹریس بننے کیلئے اداکاری چھوڑ دی

میگی یو میاؤ: شوبز سے رخصتی

ہانگ کانگ (ویب ڈیسک) ہانگ کانگ کی معروف اداکارہ میگی یو میاؤ، جنہوں نے کئی مشہور ٹی وی ڈراموں میں اپنی اداکاری کے جوہر دکھائے، نے 2023 میں اچانک شوبز کو خیرباد کہہ دیا۔

یہ بھی پڑھیں: نارووال، موٹر سائیکل کی لائٹ ٹوٹنے پر بھتیجے نے چچا کو قتل کر ڈالا

نئی زندگی کا آغاز

تفصیلات کے مطابق اب وہ چین کے شہر ڈونگ گوان میں ایک معمولی ریستوران میں ویٹریس کے طور پر کام کر رہی ہیں۔ میگی، جو 2012 میں مس چائنا انٹرنیشنل پیجینٹ کی فائنلسٹ رہی تھیں اور ٹی وی بی چینل پر 'گھوسٹ آف ریئلٹی' اور 'مائی لوور فرام دی پلانٹ میاو' جیسے ڈراموں سے شہرت حاصل کر چکی ہیں، اب اپنی سادہ زندگی سے بھرپور اطمینان کا اظہار کر رہی ہیں۔

یہ بھی پڑھیں: وزیراعظم پاکستان، ولی عہد کی دعوت پر سعودی عرب میں موجود، عمرہ کے لیے مکہ مکرمہ روانہ ہوگئے۔

روزمرہ زندگی کی جھلکیاں

میگی یو میاؤ کبھی کبھار سوشل میڈیا پر اپنی روزمرہ زندگی کی جھلکیاں شیئر کرتی ہیں۔ حالیہ ویڈیوز میں وہ تربوز کاٹتے ہوئے نظر آئیں، جس کے بدلے انہوں نے 150 یوان کمائے۔ اس سے قبل میزیں لگانے کے کام پر انہیں 180 یوان کی اجرت ملی۔

یہ بھی پڑھیں: گھریلو ناچاقی اور اہلیہ کے الزامات نے معروف پاکستانی فیشن ڈیزائنر کی شہرت کو ہلا کر رکھ دیا، چوتھی اہلیہ نے کیس دائر کردیا

فلمی کردار کی پیشکش

انہوں نے ایک فلمی کردار کی پیشکش کا اسکرین شاٹ بھی شیئر کیا، جس میں انہیں 500 یوان یومیہ کے عوض کام کی دعوت دی گئی تھی۔

یہ بھی پڑھیں: 2 اہم شخصیات کی ملاقات

اداکاری سے رخصتی کی وجوہات

اس پر میگی نے جواب دیا، "میں اب ڈونگ گوان میں ہوں اور یہاں کچھ شہرت بھی حاصل کی ہے، سوچوں گی۔ 500 یوان… کیا ہانگ کانگ جا کر فلم کروں یا یہیں کام کرتی رہوں؟" میگی نے بتایا کہ انہوں نے اداکاری چھوڑنے کا فیصلہ زندگی میں سکون، تحفظ اور یقین کی تلاش میں کیا۔

محنت کا صلہ

ان کے مطابق "ڈونگ گوان میں ہر دن مصروف ہوتا ہے، ہر دن کی آمدنی ہوتی ہے۔ اداکاری میں غیر یقینی بہت ہے، کبھی چھ مہینے تو کبھی سال بھر ایک کردار کے انتظار میں بیٹھنا پڑتا ہے۔"

انہوں نے مزید کہا کہ، "یہاں محنت کا صلہ فوراً ملتا ہے، اس لیے میں یہی کام جاری رکھوں گی۔"