کیا ورلڈ کپ میں پاک بھارت میچ ہوگا یا نہیں؟ بھارتی کرکٹ بورڈ نے حیران کن اعلان کر دیا

بھارتی کرکٹ بورڈ کی نئی پابندیاں

ممبئی (ڈیلی پاکستان آن لائن) بھارتی کرکٹ بورڈ (بی سی سی آئی) نے اپنی حکومتی ایما پر ایک مرتبہ پھر کھیل میں سیاست شامل کر دیا ہے۔

یہ بھی پڑھیں: جمائما کے بھائی نے عمران خان کے لیے عالمی برادری سے اپیل کردی

مقبوضہ کشمیر میں دہشتگرد حملہ

میڈیا رپورٹس کے مطابق گزشتہ روز بھارت کے زیر قبضہ مقبوضہ وادی کشمیر کے علاقے پہلگام میں دہشتگرد حملے کے بعد بھارتی کرکٹ بورڈ (بی سی سی آئی) نے حکومتی دباؤ پر پاکستان سے کسی بھی قسم کی کرکٹ کھیلنے سے انکار کر دیا ہے۔

یہ بھی پڑھیں: پاک روس تعلقات نہ کسی کو نقصان پہنچانے کیلیے ہیں نہ کسی کے مفاد کیخلاف : وزیر توانائی اویس لغاری

بی سی سی آئی کا موقف

بھارتی کرکٹ بورڈ کا کہنا ہے کہ پہلگام واقعہ اور موجودہ سفارتی تعلقات کے تناظر میں پاکستان کے ساتھ کسی بھی سطح پر کرکٹ میچز منعقد نہیں کیے جائیں گے۔ بورڈ کے ترجمان نے یہ بھی کہا کہ سیکیورٹی مسائل کی وجہ سے پاکستان کے ساتھ کسی قسم کی کرکٹ نہ کھیلنے کا فیصلہ کیا گیا ہے۔ انہوں نے دھمکی دیتے ہوئے کہا کہ آئی سی سی ایونٹس میں بھی پاک بھارت میچز پر نظر ثانی کی جا سکتی ہے۔

یہ بھی پڑھیں: مراد سعید وزیراعلیٰ ہاؤس پشاور میں روپوش ہیں، چھاپہ مارنا اچھا نہیں لگتا ، عطا تارڑ کا دعویٰ

پاکستان کرکٹ بورڈ کا ردعمل

دوسری جانب بھارتی بورڈ کے بیان کے بعد ایشیا کپ اور چیمپئینز ٹرافی جیسے ٹورنامنٹس پر سوالیہ نشان لگ گیا ہے۔ اس موقع پر پاکستان کرکٹ بورڈ (پی سی بی) کی طرف سے کوئی باضابطہ بیان جاری نہیں کیا گیا ہے۔

ماضی میں کرکٹ تعلقات

واضح رہے کہ پاکستان اور بھارت کے درمیان آخری بار 2012 میں ون ڈے سیریز کھیلی گئی تھی۔ اس کے بعد سے دونوں ٹیمیں محض آئی سی سی ایونٹس کے دوران ایک دوسرے کے مدمقابل آتی ہیں۔