روس کا یوکرینی دارالحکومت پر میزائلوں اور ڈرونز سے حملہ، 9 افراد ہلاک

روس کا کیف پر حملہ

کیف (ڈیلی پاکستان آن لائن) روس نے یوکرینی دارالحکومت پر میزائلوں اور ڈرون طیاروں سے حملہ کیا جس کے نتیجے میں 9 افراد ہلاک اور متعدد زخمی ہو گئے۔

یہ بھی پڑھیں: پہلے یہ طے کرلیں کہ یہ بنچ کیس سن بھی سکتا ہے یا نہیں، جسٹس ارباب طاہر نے کیس میں ریمارکس۔

حملے کی تفصیلات

نجی ٹی وی جیونیوز نے غیر ملکی میڈیا کے حوالے سے رپورٹ کرتے ہوئے بتایا کہ روسی فوج نے یوکرینی دارالحکومت کیف کو بڑے پیمانے پر میزائلوں اور ڈرون طیاروں سے نشانہ بنایا۔ اس کے نتیجے میں 9 افراد ہلاک ہو گئے جن میں 6 بچے بھی شامل ہیں جبکہ 63 افراد زخمی ہوئے۔

یہ بھی پڑھیں: پاکستان کا پہلا یونین کونسل کا دفتر جسے نوجوانوں کے لیے وقف کر دیا گیا، یہاں بیٹھ کر اپنے دفتر کا کام کریں یا کھیل کود، مکمل آزادی

میزائل اور ڈرونز کی تعداد

رپورٹ کے مطابق، روسی فوج نے حملے میں 11 بیلسٹک میزائل، 55 کروز میزائل فائر کئے اور 145 ڈرونز بھی بھیجے۔ اس کے علاوہ 4 گلیڈ بم بھی حملے میں استعمال کئے گئے۔