بھارت پاکستانی شہریوں پر حملے کی منصوبہ بندی کر رہا ہے، اگر ایسا ہوا تو بھارتی شہری بھی محفوظ نہیں رہیں گے، وزیر دفاع

بھارت کی دہشت گردی کی منصوبہ بندی

اسلام آباد(ڈیلی پاکستان آن لائن) وزیر دفاع خواجہ آصف کا کہنا ہے کہ بھارت پاکستان کے شہروں پر دہشت گردی کی منصوبہ بندی کررہا ہے۔ اگر ہمارے شہریوں پر حملہ ہوا تو بھارتی شہری بھی محفوظ نہیں رہیں گے۔

یہ بھی پڑھیں: عامر لیاقت کی مبینہ ویڈیو وائرل کرنے کا کیس، عدالت نے یاسر شامی کو بری کر دیا

پاکستان کے دفاع کا حق

خواجہ آصف نے مزید کہا کہ پاکستان اپنے دفاع کا پورا حق رکھتا ہے، اگر بھارت نے کوئی ایڈونچر کرنا چاہا تو پاکستان تیار ہے۔ پاکستان اپنے دفاع میں کسی بین الاقوامی دباؤ کو خاطر میں نہیں لائے گا۔

یہ بھی پڑھیں: حکومت نے آئی ایم ایف کو اینٹی کرپشن اصلاحات اور سرکاری افسران کے اثاثے پبلک کرنے کی یقین دہانی کروا دی

قومی سلامتی کمیٹی کے اجلاس کے بعد کا بیان

قومی سلامتی کمیٹی اجلاس کے بعد پریس کانفرنس کرتے ہوئے وزیر دفاع خواجہ آصف نے کہا کہ پاکستان میں دہشت گردی کے واقعات میں بھارت ملوث ہے، جو بی ایل اے کر رہی ہے، جو افغانستان سے ہورہا ہے اس میں بھارت کا ملوث ہونا نظر آتا ہے۔

یہ بھی پڑھیں: کلثوم نواز کی لاش کا مذاق اُڑانے والے عمران خان اور اُن کا خاندان مکافات عمل کا شکار ہے، انتقامی کارروائی کا نہیں، اختیار ولی خان

بھارت کی دہشت گردی کی ایکسپورٹ

انہوں نے کہا کہ بطور ریاست بھارت نے کینیڈا اور امریکا میں دہشت گردی ایکسپورٹ کی ہے اور دہشت گردی کی وجہ سے کینیڈا نے بھارت کے خلاف احتجاج کیا۔ ہمارے پاس سب سے بڑی زندہ گواہی کلبھوشن جادیو ہے۔

یہ بھی پڑھیں: اب تک 372 بیلسٹک میزائل، 15 کروز میزائل اور 1ہزار 826 ڈرون حملے ناکام بنا چکے ہیں، متحدہ عرب امارات

پاکستان کی خودمختاری اور دفاع

وزیر دفاع نے کہا کہ پاکستان میں دہشت گردی کرنے والوں کو بھارت میں پشت پناہی حاصل ہے۔ ہمیں کسی پریشر میں آنے والے نہیں ہیں۔ انہوں نے ہماری ایئر اسپیس کی خلاف ورزی کی، ہم نے اپنی ایئر اسپیس کا دفاع کیا۔

یہ بھی پڑھیں: عالمی صف بندی اور اتحاد کا تقاضا

کشمیریوں کی صورت حال

خواجہ آصف نے کہا کہ 9 لاکھ بھارتی فوج مقبوضہ کشمیر میں موجود ہے، اور کسی اور ملک میں ایسا سرٹیفائید دہشت گرد حکمرانی نہیں کرتا۔

یہ بھی پڑھیں: نامور تجزیہ کار ارشاد احمد عارف کی کتاب شائع ہو گئی

دہشتگردی کی مذمت

ہم نے دہشت گردی کی مذمت کی ہے اور بی ایل اے اور ٹی ٹی پی کے لیڈرز بھارت میں ہیں جو پاکستان میں دہشت گردی کو اسپانسر کر رہے ہیں۔ پاکستان ہر کونے میں دہشت گردی کے واقعہ کی مذمت کرتا ہے۔

پاکستان کی قوت اور عزم

وزیر دفاع نے کہا کہ پاکستان کی افواج اور عوام اپنی سرزمین کے ذرے ذرے کا دفاع کریں گے۔ ملک کی حفاظت کے لیے کسی ملک کے دباؤ میں نہیں آئیں گے۔ دو دن سے پروپیگنڈا کیا جا رہا ہے، اگر یہ کوئی اور شکل اختیار کی تو بھارت کو بھی پتا لگ جائے گا کہ ہم کس طرح جواب دیں گے۔