بھارت پاکستانی شہریوں پر حملے کی منصوبہ بندی کر رہا ہے، اگر ایسا ہوا تو بھارتی شہری بھی محفوظ نہیں رہیں گے، وزیر دفاع

بھارت کی دہشت گردی کی منصوبہ بندی

اسلام آباد(ڈیلی پاکستان آن لائن) وزیر دفاع خواجہ آصف کا کہنا ہے کہ بھارت پاکستان کے شہروں پر دہشت گردی کی منصوبہ بندی کررہا ہے۔ اگر ہمارے شہریوں پر حملہ ہوا تو بھارتی شہری بھی محفوظ نہیں رہیں گے۔

یہ بھی پڑھیں: ایشیا کپ، پاکستان اور بنگلہ دیش کے درمیان اہم میچ کا ٹاس ہو گیا

پاکستان کے دفاع کا حق

خواجہ آصف نے مزید کہا کہ پاکستان اپنے دفاع کا پورا حق رکھتا ہے، اگر بھارت نے کوئی ایڈونچر کرنا چاہا تو پاکستان تیار ہے۔ پاکستان اپنے دفاع میں کسی بین الاقوامی دباؤ کو خاطر میں نہیں لائے گا۔

یہ بھی پڑھیں: جب حارث رؤف نے آسٹریلیا کو پاکستان جیسا بنا دیا

قومی سلامتی کمیٹی کے اجلاس کے بعد کا بیان

قومی سلامتی کمیٹی اجلاس کے بعد پریس کانفرنس کرتے ہوئے وزیر دفاع خواجہ آصف نے کہا کہ پاکستان میں دہشت گردی کے واقعات میں بھارت ملوث ہے، جو بی ایل اے کر رہی ہے، جو افغانستان سے ہورہا ہے اس میں بھارت کا ملوث ہونا نظر آتا ہے۔

یہ بھی پڑھیں: نارنگ منڈی کا سرحدی گاؤں پرانا جنڈیالہ کلساں امداد کا منتظر، سینکڑوں افراد سیلاب میں پھنس گئے

بھارت کی دہشت گردی کی ایکسپورٹ

انہوں نے کہا کہ بطور ریاست بھارت نے کینیڈا اور امریکا میں دہشت گردی ایکسپورٹ کی ہے اور دہشت گردی کی وجہ سے کینیڈا نے بھارت کے خلاف احتجاج کیا۔ ہمارے پاس سب سے بڑی زندہ گواہی کلبھوشن جادیو ہے۔

یہ بھی پڑھیں: کراچی میں رہائشی عمارت کی 25 ویں منزل سے گر کر لڑکی جاں بحق

پاکستان کی خودمختاری اور دفاع

وزیر دفاع نے کہا کہ پاکستان میں دہشت گردی کرنے والوں کو بھارت میں پشت پناہی حاصل ہے۔ ہمیں کسی پریشر میں آنے والے نہیں ہیں۔ انہوں نے ہماری ایئر اسپیس کی خلاف ورزی کی، ہم نے اپنی ایئر اسپیس کا دفاع کیا۔

یہ بھی پڑھیں: اپوزیشن لیڈر عمرایوب ، ملک احمد چھٹہ اور عظیم الدین بھی اڈیالہ جیل کے باہر سے گرفتار

کشمیریوں کی صورت حال

خواجہ آصف نے کہا کہ 9 لاکھ بھارتی فوج مقبوضہ کشمیر میں موجود ہے، اور کسی اور ملک میں ایسا سرٹیفائید دہشت گرد حکمرانی نہیں کرتا۔

یہ بھی پڑھیں: رجسٹرار سپریم کورٹ نے وفات پا جانے والی ججز کی بیوہ کو سیکیورٹی کے لئے وزارت داخلہ کو خط لکھ دیا۔

دہشتگردی کی مذمت

ہم نے دہشت گردی کی مذمت کی ہے اور بی ایل اے اور ٹی ٹی پی کے لیڈرز بھارت میں ہیں جو پاکستان میں دہشت گردی کو اسپانسر کر رہے ہیں۔ پاکستان ہر کونے میں دہشت گردی کے واقعہ کی مذمت کرتا ہے۔

پاکستان کی قوت اور عزم

وزیر دفاع نے کہا کہ پاکستان کی افواج اور عوام اپنی سرزمین کے ذرے ذرے کا دفاع کریں گے۔ ملک کی حفاظت کے لیے کسی ملک کے دباؤ میں نہیں آئیں گے۔ دو دن سے پروپیگنڈا کیا جا رہا ہے، اگر یہ کوئی اور شکل اختیار کی تو بھارت کو بھی پتا لگ جائے گا کہ ہم کس طرح جواب دیں گے۔