کراچی میں ڈاکو کی فائرنگ سے 14سالہ بچہ جاں بحق

واقعہ کا پس منظر

کراچی (ڈیلی پاکستان آن لائن) اورنگی ٹاؤن گلشن بہار میں شہری کی فائرنگ سے ایک ڈاکو ہلاک جبکہ ایک زخمی ہوکر فرار ہوگیا، ڈاکوؤں کی فائرنگ سے 14 سال کا حسین جاں بحق ہوگیا۔ حسین حافظ قرآن تھا اور عالم بننے کی تعلیم حاصل کر رہا تھا۔

یہ بھی پڑھیں: وفاقی دارالحکومت میں آئین کی پامالی افسوسناک ہے:مصطفیٰ نواز کھوکھر پھر کھل کر بول پڑے

فائرنگ کا واقعہ

پولیس کے مطابق اورنگی گلشن بہار میں موٹر سائیکل سوار دو مسلح ملزمان ایک راہ گیر شہری کو لوٹ رہے تھے، قریب موجود شہری نے اپنے اسلحہ سے ملزمان پر فائرنگ کی۔ شہری کی فائرنگ سے ایک ملزم ہلاک ہوگیا جبکہ ایک زخمی حالت میں فرار ہوگیا۔ ملزمان کی اندھا دھند فائرنگ کی زد میں آکر 14 سال کا حسین جاں بحق ہوگیا۔

یہ بھی پڑھیں: بلوچستان میں نرسوں کی شدید کمی کا سامنا ہے، ضرورت 10 ہزار اور دستیاب صرف 1700 ہیں، وزیراعلیٰ سرفراز بگٹی

دوسرا ملزم اور ہتھیار

ہلاک ملزم کے پاس سے اسلحہ اور گولیاں ملی ہیں۔ شہری کا لائسنس یافتہ اسلحہ بھی فارنزک کے لیے پولیس نے تحویل میں لے لیا ہے، ہلاک ملزم کی شناخت کی جا رہی ہے۔

یہ بھی پڑھیں: ماہنتی پیڈ آؤٹ ڈور کرکٹ ٹورنامنٹ سیزن 3 کا اختتام، گولڈ اسپانسر محمد علی ماہنتی نے فاتح ٹیم کو ٹرافی سے نوازا، شیراز وڑائچ بہترین کھلاڑی قرار پائے

حسین کی عائلت کی باتیں

حسین کے ماموں نے ہسپتال میں میڈیا سے گفتگو میں بتایا کہ میرا بھانجا نماز پڑھ کر مسجد کے باہر بیٹھا تھا، ڈاکوؤں نے حسین سے موبائل فون چھیننے کی کوشش کی۔ حسین نے موبائل چھین کر فرار ہونے والے ڈاکو کو پکڑا تو ڈاکو اسے گھسیٹتے ہوئے لے گئے۔ ڈاکو نے 9 گولیاں چلائیں، میں فائرنگ کی آواز سن کر باہر آیا تو لوگ میرے بھانجے کو ہسپتال لیکر جا رہے تھے۔

حسین کی موت

انھوں نے بتایا کہ بھانجے کو نارتھ ناظم آباد کے ڈی اے چورنگی پر نجی ہسپتال لے گئے، ڈاکٹروں نے بتایا حسین جاں بحق ہوگیا ہے۔ حسین حافظ قرآن تھا اور عالم بننے کی تعلیم حاصل کر رہا تھا۔